Íþróttafélagið Grótta fagnar 50 ára afmæli sínu um þessar mundir en félagið var stofnað þann 24. apríl árið 1967. Í tilefni af því munu meistaraflokkar karla og kvenna í handbolta og knattspyrnu leika í hvítum afmælisbúningum en fyrstu keppnisbúningar Gróttu voru einmitt hvítir.
Karlalið Gróttu í handbolta vígði búningana í gærkvöldi í góðum sigri liðsins gegn Akureyri í Olísdeildinni.
Á meðfylgjandi mynd má sjá knattspyrnufólkið Bjargeyju Ólafsdóttur og Bessa Jóhannsson og stórskytturnar Aron Dag Pálsson og Lovísu Thompson.
![](https://b1752376.smushcdn.com/1752376/wp-content/uploads/2020/05/Grotta_Almennt_23-1024x683.jpg?lossy=1&strip=1&webp=1)
Á fyrri myndinni hér að neðan má sjá bræðurna Helga-, Þráin- og Skúla Skúlasyni í upprunalegum búningum félagsins.
![](https://b1752376.smushcdn.com/1752376/wp-content/uploads/2020/05/Grotta_Almennt_24-715x1024.jpeg?lossy=1&strip=1&webp=1)
Síðari myndin er svo af Finn Inga Stefánssyni, tekin úr leik gærkvöldsins gegn Akureyri. Það er gaman að segja frá því að Finnur er einmitt bróðursonur bræðranna þriggja á myndinni fyrir ofan.
![](https://b1752376.smushcdn.com/1752376/wp-content/uploads/2020/05/Grotta_Almennt_25-1024x1024.jpg?lossy=1&strip=1&webp=1)