Íþróttafélagið Grótta auglýsir eftir húsvörðum

Grótta auglýsir eftir húsvörðum í full starf, kvöld og helgarvinnu. Starfið er fjölbreytt en helstu verkefni eru:

  • Almenn húsvarsla
  • Þjónusta við iðkendur, gesti og félagsmenn Gróttu
  • Létt þrif
  • Önnur tilfallandi verkefni

Viðkomandi þarf að vera góður í mannlegum samskiptum og gott er að vera handlaginn. Reynsla af húsvarðarstörfum er kostur en þó ekki nauðsyn. Við hvetjum sérstaklega Gróttufólk og Nesbúa til þess að sækja um. Störf sem henta bæði námsfólki sem og þeim sem eru að leita eftir fullu starfi.

Allar umsóknir sendast á framkvæmdarstjóra ([email protected])

#okkargrótta

Grótta Open Golfmót

Þann 30. ágúst næstkomandi munum við halda golfmót til styrktar félagsins, Grótta Open. Leikið verður á Nesvellinum og ræst út af öllum teigum kl. 09:00.

Veitt verða verðlaun fyrir efstu þrjú sæti í punktakeppni og höggleik, sem og við munum útkljá hvaða deild Gróttu er best í golfi. Nándarverðlaun á öllum par þrjú holum, frábærir vinningar í boði.

Miðaverð er 10.000 kr, hamborgari og bjór/gos innifalinn í verðinu. Hægt er að skrá sig gegnum golfbox.com hér, skráning hefst 10. ágúst og stendur til 29.

Breytingar á skrifstofu

Frá áramótum hafa verið gerðar ýmsar breytingar á skrifstofu félagsins.

Í janúar tók Erlendur Guðmundsson við sem íþrótta- og verkefnastjóri, en hann byrjaði sem verkefnastjóri sumarnámskeiða sumarið 2025 og var síðan í hlutastarfi fram að áramótum. Erlendur, sem er nýútskrifaður Íþróttafræðingur, tekur við umsjón með öllum íþróttamálum ásamt því sinna viðburðarhaldi í samvinnu við deildir og sjálfboðaliða Gróttu. Erlendur er Valsari að upplagi, en leikur í dag handbolta fyrir Fram í Úlfarsárdal.

Síðastliðinn maí hóf síðan nýr fjármálastjóri störf hjá félaginu, Tómas Sigurðsson. Ekki hefur verið eiginlegur fjármálastjóri Gróttu um einhverja stund en við bindum miklar vonir við að Tómas komi sterkur inn í starf félagsins. Tómas er með meistaragráðu í fjármálaverkfræði og var síðast fjármálastjóri Klettabæjar, áður en hann kom til okkar. Hann er uppalinn hér á Nesinu, flutti síðan í Garðabæinn og ætti því ekki að koma á óvart að hann er fremur lunkinn golfari.

Þá hefur Rakel Lóa Brynjarsdóttir látið af störfum sem samfélagsmiðlastjóri félagsins en hún tók við því hlutverki fyrr á þessu ári. Rakel Lóa mun þó áfram hjálpa meistaraflokk kvenna í sinni baráttu um sæti í Bestu deild kvenna, þær sitja um þessar mundir í efsta sæti Lengjudeildarinnar þegar sex leikir eru eftir. Við þökkum henni innilega fyrir sitt framlag og óskum henni velfarnaðar í öðrum hlutverkum sem hún gengur í innan félagsins.

Við erum þá komin með þriggja manna teymi á skrifstofunni, Erlendur og Tómas ásamt Fríðu framkvæmdarstjóra. Vonir standa til að félagsmenn fari að sjá raunverulegar breytingar á rekstri og virkni skrifstofunnar næstu mánuði.

#okkargrotta

Tómas, Fríða og Erlendur
Tómas, Fríða og Erlendur

Lokahóf Handknattleiksdeildar Gróttu

Á miðvikudaginn fór fram lokahóf Handknattleiksdeildar Gróttu þar sem meistaraflokkar félagsins, þjálfarar, sjálfboðaliðar og starfsfólk kom saman og gerði upp tímabilið. Lokahófið var haldið í hátíðarsal félagsins í Hertz-höllinni.

Veittar voru viðurkenningar til þeirra sem sköruðu fram úr í vetur.

Meistaraflokkur kvenna

  • Mikilvægasti leikmaður – Ída Margrét Stefánsdóttir
  • Efnilegasti leikmaður – Elísabet Ása Einarsdóttir
  • Besti leikmaður – Andrea Gunnlaugsdóttir
  • Gróttubikarinn – Katrín Helga Sigurbergsdóttir

Meistaraflokkur karla

  • Mikilvægasti leikmaður – Antoine Óskar Pantano
  • Efnilegasti leikmaður – Gísli Örn Alfreðsson
  • Besti leikmaður – Gunnar Hrafn Pálsson
  • Gróttubikarinn – Ari Pétur Eiríksson

Þeir leikmenn sem höfuð náð leikjaáföngum voru verðlaunaðir en það voru:

50 leikir fyrir Gróttu

  • Arndís Áslaug Grímsdóttir (67 leikir)
  • Elísabet Ása Einarsdóttir (55 leikir)
  • Karlotta Kjerúlf Óskarsdóttir (69 leikir)
  • Hannes Pétur Hauksson (52 leikir)
  • Sæþór Atlason (52 leikir)

100 leikir fyrir Gróttu

  • Ída Margrét Stefánsdóttir (105 leikir)
  • Katrín Scheving (121 leikur)

200 leikir fyrir Gróttu

  • Hannes Grimm (216 leikir)

Við óskum þessum verðlaunahöfum til hamingju og hlökkum til að sjá þá og liðin okkar aftur í haust í baráttunni

Námskeið sumarið 2026

Hér eru námskeið sumarsins á vegum Gróttu!

Skráning inn á Abler!  https://www.abler.io/shop/grotta/sumarnamskeid

Verð og dagsetningar:

Leikjanámskeið

Dagsetningar:
15.–19. júní
22.–26. júní
29. júní–3. júlí
6.–10. júlí
4.–7. ágúst
10.–14. ágúst

Verð fyrir heila viku er 14.250 kr. fyrir heilan dag, 8.500 kr. fyrir hálfan dag og 2.350 kr. fyrir gæslu (miðað við 5 daga).

Fyrir fjögurra daga vikurnar er verðið 11.400 kr. fyrir heilan dag, 6.800 kr. fyrir hálfan dag og 1.880 kr. fyrir gæslu.

Aldur fyrir leikjanámskeið : Börn fædd 2018-2019

Ævintýranámskeið

Dagsetningar:
15.–19. júní
22.–26. júní
29. júní–3. júlí
6.–10. júlí
4.–7. ágúst
10.–14. ágúst

Verð fyrir heila viku er 14.250 kr. fyrir heilan dag, 8.500 kr. fyrir hálfan dag og 2.350 kr. fyrir gæslu (miðað við 5 daga).

Fyrir fjögurra daga vikurnar er verðið 11.400 kr. fyrir heilan dag, 6.800 kr. fyrir hálfan dag og 1.880 kr. fyrir gæslu.

Aldur fyrir ævintýra: Börn fædd 216-2017

Survivor

Dagsetningar:
15.–19. júní
22.–26. júní
29. júní–3. júlí
6.–10. júlí
4.–7. ágúst

Verð fyrir heila viku er 8.500 kr. (miðað við 5 daga).

Fyrir fjögurra daga vikuna er verðið 6.800 kr.

Útileiga kostar 2.500 kr. til viðbótar og er í boði fyrir námskeiðin 22.–26. júní og 6.–10. júlí.

Aldur fyrir survivor 2013-2015

Handboltaskóli Gróttu/KR

Dagsetningar:
27.–31. júlí
4.–7. ágúst
10.–14. ágúst
17.–21. ágúst

Verð fyrir heila viku er 12.000 kr. (miðað við 5 daga).

Fyrir fjögurra daga vikuna 4.–7. ágúst er verðið 9.600 kr.

Einnig er hægt að skrá í öll námskeiðin fyrir 40.000 kr.

Námskeiðið er frá kl. 9:00–12:00 og boðið er upp á gæslu frá kl. 8:00–9:00 og aftur frá kl. 12:00–13:00.

Aldur fyrir handboltann: 2015-2020

Afreksskóli Gróttu/KR

Dagsetningar:
27.–30. júlí
4.–6. ágúst
10.–13. ágúst
17.–20. ágúst

Verð fyrir heila viku er 9.500 kr.

Fyrir vikuna 4.–6. ágúst er verðið 8.000 kr.

Einnig er hægt að skrá í öll námskeiðin fyrir 32.000 kr.

Sundnámskeið

Dagsetningar og tímasetningar:

15.–26. júní
Hópur 1: 8:30–9:10
Hópur 3: 9:50–10:30
Hópur 4: 10:35–11:15
Hópur 5: 11:20–12:00

  1. júní–10. júlí
    Hópur 2: 9:15–9:45

Verð fyrir námskeiðið er 15.000 kr.

Fimleika og leikjaskóli

Fjölbreytt námskeið – fyrir 6–10 ára börn, fædd 2016–2020

Fimleika- og leikjaskóli Gróttu býður upp á fjölbreytt sumarnámskeið fyrir börn fædd 2016–2020. Fimleikanámskeið eru fyrir hádegi og skipulagðir leikir og útivist eftir hádegi.

Námskeið 1: 11.–12. júní, 2 dagar
Námskeið 2: 15.–19. júní, 4 dagar
Námskeið 3: 22.–26. júní, 5 dagar
Námskeið 4: 29. júní – 3. júlí, 5 dagar
Námskeið 5: 6.–10. júlí, 5 dagar
Námskeið 6: 13.–17. júlí, 5 dagar
Námskeið 7: 4.–7. ágúst, 4 dagar
Námskeið 8: 10.–14. ágúst, 5 dagar
Námskeið 9: 17.–21. ágúst, 5 dagar

Skipulögð dagskrá: frá 09:00 til 16:00
Gæsla: frá 08:30 til 09:00

Hægt er að velja hálfan eða heilan dag. Takmarkaður fjöldi barna er á námskeiðunum.

Verð
5 daga námskeið – heill dagur: 19.950 kr
5 daga námskeið – hálfur dagur: 11.900 kr

Upplýsingar: [email protected]

Fótboltanámskeið

Dagsetningar og tímasetningar: 

Knattspyrnunámskeiðin verða 7 talsins í sumar og er hvert og eitt þeirra 5 dagar.  Eru þau fyrir börn fædd 2016-2021

Námskeið 1: 12-19 júní

Námskeið 2: 22-26 júní

Námskeið 3: 29 júní – 3 júlí

Námskeið 4: 6 – 10 júlí

Námskeið 5: 13-17 júlí

Námskeið 6: 20-24 júlí

Námskeið 7: 27 – 31 júlí

Knattspyrnu akademían: Námskeiðin verða fimm. Æfingar á mánudögum, þriðjudögum og fimmtudögum. Eru þau fyrir börn fædd 2012-215

Námskeið 1: 15-19 júní

Námskeið 2: 22-26 júní

Námskeið 3: 29 júní – 3 júlí

Námskeið 4: 6 – 10 júlí

Námskeið 5: 20-24 júlí

Verð í knattspyrnuskólann fyrir hvert námskeið er 12.900

Verð í akademínua fyrir hvert námskeið er 7.900

Skráning inn á Abler!  https://www.abler.io/shop/grotta/sumarnamskeid

Hlökkum til að sjá ykkur í sumar!

Herrakvöld Gróttu 2026

Herrakvöld Gróttu 2026

Það hefur verið stórt…en núna verður það stærra!!

Uppstillingin hefur varla verið sterkari. Jóhann Skúli Jónsson verður veislustjóri, Stefán Einar Stefánsson ræðumaður og Björn Bragi Arnarsson flytur uppistand.

Kótiletturnar gómsætu, happdrætti og allt þetta sem þið kannist við. Treyjuuppboð frá okkar bestu mönnum ásamt völdum málverkum.

!!ATH. NÝTT!!

Í ár verður boðið uppá að kaupa premium borð. Með premium borðunum mun fylgja vín, bjór og léttar veitingar til þess að byrja kvöldið með stæl. Einnig mun borðið vera betur staðsett með tilliti til sviðsins, ásamt öllu sem fylgir venjulegri borðapöntun.

Húsið opnar 18:30 og borðhald hefst 19:45.

Miðasala, bæði stakir miðar og borðapantanir, í gegnum TIX: https://tix.is/event/21487/herrakvold-grottu-2026

Verðskrá:

Stakur miði: 10.900 kr

10 manna borð: 85.000 kr

Premium 10 manna borð: 150.000 kr

Ekki láta þig og þína vanta. Kvöldið verður rosalegt!

Fjölskyldufjör í fimleikasal Gróttu 💙💛

Í dag var haldið skemmtilegt fjölskyldufjör í fimleikasal Gróttu þar sem um 130 börn mættu ásamt foreldrum sínum til að fagna Sumardeginum fyrsta með okkur.

Stemningin var frábær og nóg um að vera fyrir alla aldurshópa. Boðið var upp á andlitsmálningu, hægt var að lita myndir og næla sér í popp og kandífloss. Þá var einnig líf og fjör á Gróttumarkaðinum þar sem margt fallegt var til sölu.

Það var einstaklega ánægjulegt að sjá hversu margir sáu sér fært að koma og deila þessum fallega degi með okkur.

Við þökkum kærlega fyrir komuna 💙💛

Leiðbeinendur á sumarnámskeiðum Gróttu

Grótta auglýsir eftir einstaklingum 18 ára og eldri til að starfa sem leiðbeinendur á sumarnámskeiðum félagsins sumarið 2026

Menntunar- og hæfniskröfur

  • Umsækjendur skulu vera 18 ára og eldri (fædd 2008 og eldri).
  • Góð þjónustulund og hæfni í mannlegum samskiptum.
  • Góð fyrirmynd og heilbrigður lífsstíll.
  • Stundvísi og samviskusemi.
  • Gaman að vinna með börnum
  • Hreint sakavottorð.

Endilega sóttu um! https://alfred.is/en/starf/leidbeinendur-a-sumarnamskeidum-grottu-6