Kvennaverkfall 24. október
Kæra Gróttufólk
Fjölmörg samtök kvenna, hinsegin fólks og launafólks hafa boðað til kvennaverkfalls þriðjudaginn 24. október 2023, þar sem konur og kvár sem það geta eru hvött til að leggja niður launuð og ólaunuð störf þann daginn.
Vegna þessa er ljóst að það mun verða röskun á þjónustu í íþróttahúsi Gróttu sem og gervigrasvelli þann daginn.
Grótta styður jafnréttisbaráttu kvenna og kynsegin fólks og biðlar því til foreldra og forráðamanna að sýna þessari skerðingu skilning.
Þjálfarar hafa fengið þau fyrirmæli að þau munu sjálf upplýsa foreldra og aðstandendur hvernig æfingum hjá þeirra flokkum verður hagað þennan dag í gegnum Sportabler.
Með von um góðar undirtektir
Íþróttafélag Gróttu
Hægt er að deila fréttinni, senda með tölvupósti og/eða prenta út hér fyrir neðan.
