Katrín Anna er íþróttakona æskunnar 2021

Katrín Anna Ásmundsdóttir er íþróttakona æskunnar fyrir árið 2021 hjá Gróttu.
Úr umsögn handknattleiksdeildar um Katrínu Önnu:
Katrín Anna er leikmaður meistaraflokks kvenna og 3.flokks félagsins. Hún er fædd árið 2004 og er örvhentur hornamaður. Þrátt fyrir ungan aldur er þetta þriðja tímabil Katrínar Önnu með meistaraflokki Gróttu. Hún skoraði 51 mark í deildinni í fyrra þegar liðið komst alla leið í úrslit í umspili um sæti í Olísdeildinni en tapaði í úrslitaeinvígi við Olísdeildarlið HK. Katrín Anna hefur sýnt með sinni frammistöðu að hún er einn albesti örvhenti hornamaður deildarinnar. Á lokahófi meistaraflokks í vor var Katrín Anna valinn efnilegasti leikmaður liðsins.

Katrín Anna hefur verið fastamaður í unglingalandslið Íslands og var tvívegis valin í keppnisferðir með liðinu á árinu. Í sumar lék U17 ára landslið Íslands í Litháen á Evrópumóti B-landsliða. Þar komst liðið alla leið í úrslitaleik en tapaði honum naumlega. Katrín Anna lék stórt hlutverk með liðinu og stóð sig frábærlega. Núna í haust var hún aftur valin og nú til keppni í Serbíu þar sem liðið lék við Slóvena, Slóvaka og Serba um laust sæti á Evrópumót A-landsliða næstkomandi sumar. Því miður tapaði liðið aftur úrslitaleik og nú gegn Serbíu. Aftur lék Katrín Anna vel með liðinu.
Katrín Anna er félagsmaður mikill og tekur virkan þátt í starfi félagsins. Í sumar þjálfari Katrín Anna í Handboltaskóla Gróttu og stóð sig vel þar.

Við fórum þá leið í ár að framleiða myndbönd um verðlaunahafa í stað þess að hafa athöfn. 
Sérstakar þakkir fá Fjalar Sigurðarson, Lilja Nótt Þórarinsdóttir og Jói B (Audioland.is) fyrir óeigingjarnt framlag til myndbandagerðarinnar.

Skráning í 9.flokk

Æfingarnar í 9.flokki hafa slegið í gegn frá því að þær hófust í haust. Skráning er enn í gangi fyrir vorönnina og fer hún fram í gegnum Sportabler. Vorönnin kostar 24.900 kr. Fyrsti dagur eftir áramót er laugardagurinn 9.janúar og sá síðasti laugardaginn 30.apríl. Æfingarnar er kl. 09:40-10:30 og fara fram í litla salnum í íþróttahúsinu.

Í 9.flokki er áhersla lögð á grunnatriði handknattleiksdeild með skemmtilegum leikjum í bland við fjölbreytta hreyfingu með bolta.

Þjálfarar eru Arndís María Erlingsdóttir og Hulda Björk Halldórsdóttir.

Beinn hlekkur á skráninguna er https://www.sportabler.com/shop/grotta/handbolti

8 leikmenn valdir í unglingalandslið HSÍ

8 leikmenn frá okkur voru valin í unglingalandslið HSÍ núna fyrir helgi. Strákarnir Alex Kári Þórhallsson, Antoine Óskar Pantano og Hannes Pétur Hauksson voru valdir í U16 ára landsliðið. Stelpurnar Arndís Áslaug Grímsdóttir, Dóra Elísabet Gylfadóttir, Elísabet Ása Einarsdóttir, Helga Sif Bragadóttir og Margrét Lára Jónsdóttir voru valdar í U15 ára landsliðið.

Við óskum þessum iðkendum okkar hjartanlega til hamingju með valið. Landsliðin æfa á höfuðborgarsvæðinu í byrjun janúar auk þess sem haldið verður áfram með fyrirlestraröðina Afreksmaður framtíðarinnar. Þar fá yngri landsliðið fræðslu sem nýtist þeim jafnt innan vallar sem utan.

Mynd að ofan: Margrét Lára Jónsdóttir

Dóra Elísabet Gylfadóttir

Helga Sif Bragadóttir

Arndís Áslaug Grímsdóttir

Elísabet Ása Einarsdóttir

Antoine Óskar Pantano

Alex Kári Þórhallsson

Hannes Pétur Hauksson

Katrín Anna með U18 landsliðinu í Serbíu

U-18 ára landslið kvenna lék í Belgrad í Serbíu 22 – 25.nóvember síðastliðinn á umspilsmóti um sæti í A-keppni Evrópumóts kvenna í þessum aldurshópi á næsta ári. Katrín Anna Ásmundsdóttir leikmaður meistara- og 3.flokks var okkar fulltrúi í landsliðinu.

Stelpurnar unnu Slóveníu 24-21 í fyrsta leik og síðan Slóvakíu í öðrum leik 29-26. Því miður tapaðist úrslitaleikurinn við Serba stórt, 31-20. Okkar leikmaður Katrín Anna Ásmundsdóttir stóð sig vel á mótinu.

Katrín Anna hefur verið fastamaður í þessu landsliði undanfarin ár. Gríðarleg reynsla og tækifæri sem Katrín Anna fær í landsliðinu sem vonandi nýtist Gróttu næstu misseri.

Jólahandboltanámskeið Gróttu

Handknattleiksdeild Gróttu verður með jólahandboltanámskeið milli jóla og nýárs. Námskeiðið er opið öllum hvort sem viðkomandi er að æfa handbolta eða ekki. Leikmenn meistaraflokka félagsins munu þjálfa á námskeiðinu. Þátttakendur hafa því möguleika á að læra af þeim bestu í Gróttu. Námskeiðið fer fram 27. – 30.desember og er tvískipt:

7. og 8.flokkur (f. 2012-2015)
5. og 6.flokkur (f. 2008-2011)


Skráning er opin og fer fram í gegnum Sportabler. https://www.sportabler.com/shop/grotta/handbolti


Áfram Grótta !

Góð frammistaða hjá 5.flokki karla

Um helgina spilaði eldra árið á sínu öðru móti í vetur. Mótið fór fram í Fjölnishöllinni í Grafarvogi. Strákarnir léku í 3. deild og voru staðráðnir í að fara beint aftur upp um deild.

Strákarnir byrjuðu á að spila við Val 2 og var leikurinn í járnum í fyrri hálfleik. Seinni hálfleikur var flottur og leikurinn endaði 22-17 fyrir okkar drengjum. Annar leikur liðsins var við ÍR 1 og unnu strákarnir frábæran sigur eftir að hafa verið tveimur mörkum undir í hálfleik. Leikur þrjú var gegn Fram 2 og spiluðu strákarnir ekki nægilega vel en náðu samt sem áður að kreista út sigur með sigurmarki á lokasekúndunum frá Kolbeini. Síðan var komið að úrslitaleiknum og aftur spiluðu strákarnir við Val 2. Leikurinn var jafn í þrjátíu mínútur en endaði að lokum með sigri Gróttu 17-16.

Frábær helgi að baki hjá strákunum í 5.flokki. Þjálfarar flokksins eru Andri Þór Helgason og Hannes Grimm.

Flott helgi að baki hjá 5.flokki kvenna eldri

Eldra árið í 5.flokki kvenna tefldi fram tveimur liðum um helgina þegar þær tóku þátt á sínu öðru Íslandsmóti. Mótið fór fram hjá Aftureldingu í Mosfellsbæ.

Lið 2 spilaði á laugardeginum í 4.deildinni. Þær léku gegn Stjörnunni í fyrsta leik þar sem þær unnu 16-11, flottur sigur hjá þeim. Næstu tveir leikir voru gegn Haukum og svo Fram. Báðir leikirnir enduðu með jafntefli, 13-13 gegn Haukum og 7-7 gegn Fram. Flott frammistaða hjá Gróttustúlkur. Síðasti leikur liðsins var síðan aftur gegn Haukum þar sem þær unnu 10-9 eftir jafnan og spennandi leik. Lið 2 vann því deildina og munu því spila í 3.deildinni á næsta móti. Flott frammistaða og miklar framfarir hjá stúlkunum okkar.

Lið 1 spilaði á sunnudeginum í 2.deildinni. Fyrsti leikur var gegn Víkingi og unnu þær góðan sigur 12-8 eftir hafa verið yfir allan leikinn. Næsti leikur var gegn Fram og unnu þær 16-13 eftir spennandi leik. Þriðji leikurinn var gegn ÍBV og var hann jafn og spennandi. Leikurinn endaði með flottum sigri Gróttu 19-17. Síðasti leikurinn var síðan gegn Fram og voru þær með yfirhöndina allan leikinn og unnu góðan sigur 15-11. Lið 1 vann því 2.deildina og munu því spila í 1.deildinni á næsta móti.Flott frammistaða hjá stelpunum og má greinilega sjá framfarir hjá báðum liðum.

Það verður áfram spennandi að fylgjast með þeim í vetur. Þjálfarar stelpnanna eru þeir Davíð Örn Hlöðversson og Patrekur Pétursson Sanko.

5 leikmenn í U14 kvenna

Fimm stelpur frá Gróttu/KR hafa verið valdar í U14 ára landsliðið sem æfir dagana 26. – 28. nóvember næstkomandi. Það eru þær; Arndís Áslaug Grímsdóttir, Dóra Elísabet Gylfadóttir, Elísabet Ása Einarsdóttir, Helga Sif Bragadóttir og Magrét Lára Jónasdóttir.


Þetta er í annað sinn í vetur sem þessar fimm stúlkur hafa verið valdar í hópinn. Við óskum þeim til hamingju með valið og óskum þeim góðs gengis á æfingunum. Vonandi halda þær áfram að standa sig vel !


Þjálfarar U14 ára landsliðs kvenna eru þau Díana Guðjónsdóttir og Jón Brynjar Björnsson.

9 Gróttukrakkar í Hæfileikamótun HSÍ

Um helgina fór fram Hæfileikamótun HSÍ. Um er að ræða fyrstu skrefin í unglingalandaliðum HSÍ. Þar gefst krökkum tækifæri til að kynnast umgjörð HSÍ og æfa meðal bestu leikmanna landsins. Yfirmaður Hæfileikamótunar HSÍ, Jón Gunnlaugur Viggósson valdi flotta fulltrúa frá okkur.

Það voru þau:
Arnar Magnús Andrason
Helgi Skírnir Magnússon
Kári Kristjánsson
Kolbeinn Thors

Arna Katrín Viggósdóttir
Arnfríður Auður Arnarsdóttir
Auður Freyja Árnadóttir
Heba Davíðsdóttir
Sara Kristjánsdóttir

Við óskum okkar krökkum hjartanlega til hamingju með valið !