Katrín Helga Sigurbergsdóttir skrifar undir samning við Gróttu

Hin unga og efnilega Gróttu stelpa Katrín Helga Sigurbergsdóttir hefur skrifað undir 2ja ára samning við Gróttu og leikur því með liðinu í Grill66 deildinni á komandi tímabili.

Katrín sem er aðeins 16 ára gömul hefur leikið upp alla yngri flokka félagsins og tók sín fyrstu skref með meistaraflokki í Olís deildinni í fyrra.

Handknattleiksdeildin er gríðarlega ánægð með samninginn og við hlökkum til að fylgjast með Katrínu taka næstu skref inni á vellinum.