Grótta á afmæli og öllum er boðið!

Í dag, mánudaginn 24. apríl, á íþróttafélagið Grótta 50 ára afmæli og ætlar að halda uppá það í marga daga.

Hátíðahöldin hefjast með skemmtun í Hertz-höllinni kl. 17 á afmælisdaginn. Þar verður margt til gamans gert m.a. verður fimleikadeild með sýningu, frumsýnd verður skemmtileg myndasýning úr starfi félagsins og hinn eini sanni Páll Óskar ætlar að mæta og taka nokkur lög til að hita afmælisgesti upp.

Þá verður hoppukastali á staðnum, andlitsmálning og kaffiveitingar í boði. Afmælisbarnið vonar auðvitað að sem flestir sjái sér fært að gleðjast með því á afmælisdaginn og alla vikuna, en hátíðahöldum lýkur með risa Pallaballi á laugardagskvöldið 29. apríl.