Fyrsti heimaleikur 3. flokks karla fór fram í dag og mætti Selfoss 2 í heimsókn. Þetta var hörkuleikur þrátt fyrir slæma byrjun í fyrri hálfleik en okkar menn náðu að skora tvo síðustu mörk fyrrihálfleiks.
Halda áfram að lesa
3. flokkur kvenna eru komnar í úrslit Íslandsmótsins!!! 💥👏🏼
3. flokkur kvenna Gróttu/KR spilaði gegn Þór/KA/Hömrunum í dag í Boganum í undanúrslitum Íslandsmótsins. Lilja Lív Margrétardóttir kom Gróttu/KR yfir snemma í leiknum og Emelía Óskarsdóttir jók forystuna á 29’ mínútu. Heimakonum tókst þó að jafna undir lok fyrri hálfleiks og staðan 2-2 í hálfleik. Grótta/KR gaf heldur betur í í seinni hálfleik og Emelía Óskarsdóttir bætti við tveimur mörkum og skoraði þar með þrennu í Boganum í dag. Mörk Gróttu/KR voru geggjuð og þau má sjá í instagram story.
Frábær sigur hjá stelpunum í dag sem leiðir þær í úrslitaleikinn sem fer fram á sunnudaginn kl. 12:00 en keppinautar þeirra verða FH.
Laugardag 19.sept síðastliðinn voru þjálfarar yngri flokka hjá handknatteiksdeild Gróttu með þjálfaraæfingu þar sem farið var í pælingar fyrir veturinn.
Halda áfram að lesa
Þær Rut Heiðarsdóttir og Emelía Óskarsdóttir, 14 ára Gróttustúlkur, hafa verið valdar til að taka þátt í Hæfileikamóti N1 og KSÍ sem fer fram í Kórnum dagana 26.-27. september. Við óskum stelpunum góðs gengis og til hamingju með valið! 👏🏼
Handboltaæfingar hefjast í dag, mánudaginn 24.ágúst samkvæmt stundaskrá. Æfingatafla hefur verið birt og geta yngstu iðkendur Gróttu æft allar þrjár íþróttirnar sem félagið býður uppá.
Halda áfram að lesa
Handboltaskóla Gróttu lauk í dag eftir góðar viðtökur í ágúst. Búið er að opna fyrir vetrarskráninguna í gegnum Nóra kerfið.
Halda áfram að lesaVetraræfingataflan tekur gildi fyrir 5.-8. flokk karla og kvenna þriðjudaginn 25. ágúst.
2-4. flokkur æfir áfram í sínum flokkum þangað til mótin klárast, en eldra árið í 5. flokki færist upp 25. ágúst og æfir með 4. flokki. Æfingatímar hjá 2.-4. flokki gætu breyst vegna leikja, en iðkendur og foreldrar eru hvattir til að fylgjast með upplýsingum frá þjálfurum.
Vetrarfrí flokkanna verður 22. október-2. nóvember.
Þjálfarar flokkanna verða tilkynntir á næstu dögum.
Nánari upplýsingar veita Chris (chris@grotta.is) og Jórunn María (jorunnmaria@grotta.is).
Skráning í yngri flokka handknattleiksdeildar Gróttu er hafin í Nóra kerfinu og æfingatafla fyrir veturinn hefur verið birt.
Halda áfram að lesa
3. og 4. flokkur kvenna ásamt 4. flokki karla fóru á Rey Cup 22.-26. júlí. 3.flokkur kvenna var með tvö lið á mótinu. Þeim gekk vel alla dagana og það var frábær stemning í hópnum. Allar stelpurnar spiluðu vel þrátt fyrir marga leiki og erfiðar aðstæður. Það var ekki bara spilað fótbolta heldur skellti hópurinn sér einnig saman í Fjölskyldu og Húsdýragarðinn. Lið 1 endaði í 3.sæti á mótinu og lið 2 í 4.sæti.
4.flokkur kvenna fór með 1 lið á mótið. Stelpurnar spiluðu frábæran sóknarbolta á mótinu og sköpuðust mörg glæsileg mörk uppúr uppspili stelpnanna. Úrslitin voru aukaatriði og skemmtu allar stelpurnar sér frábærlega alla dagana þar sem leikgleði og hamingja var við völdin!
4. flokkur karla fór með 2 lið á Rey Cup og stóðu sig með stakri prýði. Skemmtu drengirnir sér mjög vel og spiluðu skemmtilegan fótbolta þrátt fyrir skrautlegar vallaraðstæður inn á milli. Mörg glæsileg mörk voru skoruð og mátt sjá að drengirnir höfðu mjög gaman af mótinu.
Meðfylgjandi mynd er af liði 1 hjá 3. flokki kvenna Gróttu/KR og er tekin af Margréti Kristínu Jónsdóttur.
Önnur vika handboltaskóla Gróttu kláraðist í dag með skemmtilegri HM keppni milli liða. Allir þjáfarar handboltaskólans fengu úthlutað landsliði og hófst skemmtileg keppni á milli liða.
Halda áfram að lesa