Þrepamót FSÍ í 1.-3. þrepi
Um helgina fer fram Þrepamót FSÍ í 1.-3. þrepi. Í morgun kepptu Linda, Hrefna María, Ísold og Karitas í 3. þrepi og stóðu sig vel.
Halda áfram að lesa1. þrep á Þrepamóti FSÍ
Sif, Saga og Freyja kepptu í 1. þrepi á Þrepamóti FSÍ í dag.
Halda áfram að lesaPétur Theodór Árnason er íþróttamaður Seltjarnarness
Pétur Theodór Árnason var valinn íþróttamaður Seltjarnarness við hátíðlega athöfn í Félagsheimili Seltjarnarness í gær.
Pétur er fæddur og uppalinn á Seltjarnarnesi. Hann er 24 ára gamall og lék upp alla yngri flokkana með Gróttu. Þegar Pétur var aðeins 16 ára gamall spilaði hann sína fyrstu leiki með Gróttu í 1. deild og lék einnig með U16 ára landsliði Íslands á Norðurlandamótinu. Þá um haustið fór Pétur á reynslu til enska liðsins Reading og var viðloðandi landsliðshópa næstu misseri. Sumarið 2013 lenti Pétur í því áfalli að slíta krossband í hné og ári síðar, eftir margra mánaða endurhæfingu, slitnaði krossbandið aftur. Síðan þá hefur ferill Péturs farið smám saman upp á við en hann kom sterkur inn í Gróttuliðið um mitt sumar 2018 og hjálpaði liðinu að komast upp
úr 2. deild.
Árið 2019 var ár Péturs Theodórs. Hann var markahæsti leikmaður Mjólkurbikarsins með 9 mörk og var lykilmaður í liði Gróttu sem sigraði Inkasso-deildina eftirminnilega í sumar. Pétur var valinn besti leikmaður fyrri hluta mótsins, hann var markakóngur deildarinnar með 15 mörk
í 22 leikjum og í lok tímabilsins var Pétur í liði ársins! Pétur Theodór var valinn leikmaður ársins hjá Gróttu á lokahófi meistaraflokkanna en einnig var hann kjörinn leikmaður leikmanna af liðsfélögum sínum.
Pétur er mikill liðsmaður með stórt Gróttuhjarta. Hann æfir af krafti og hugsar vel um sig utan vallar. Fyrirmyndarleikmaður í einu og öllu. Pétur var einnig valinn íþróttamaður Gróttu 2019.
Íþróttakona Seltjarnarnes
Íris Björk Símonardóttir er íþróttakona Seltjarnaness. Íris Björk er fædd árið 1987 og er uppalin með Gróttu, var markmaður liðsins upp í meistaraflokk og varð Íslands-og bikarmeistari með félaginu 2015 og 2016.
Halda áfram að lesa6. flokkur karla á Njarðvíkurmótinu og með bikar heim
6. flokkur karla skellti sér á Njarðvíkurmótið síðustu helgi. Grótta tefldi fram 5 liðum á mótinu en spilað var í Reykjaneshöllinni. Fallegur fótbolti og leikgleði var fremst í flokki og allir leikmenn stóðu sig með prýði. Lið Gróttu í Ensku-deildinni gerði sér svo lítið fyrir og vann sína deild á mótinu ???
7. flokkur kvenna á fótboltamóti HK og Auðar
Þrjátíu stelpur úr 7. flokki kvenna spiluðu á fótboltamóti Auðar og HK í gær, laugardaginn 18. janúar. Grótta tefldi fram fimm liðum á mótinu og skemmtu sér allir gríðarlega vel. Sigrar, töp og jafntefli en umfram allt leikgleði og barátta.
Rakel Lóa á úrtaksæfingum U16 ára landsliðsins
Gróttukonan Rakel Lóa Brynjarsdóttir er í hóp U16 ára kvennalandsliðsins sem æfði saman 29.-31. janúar undir stjórn Jörundar Áka Sveinssonar. Rakel er á á sextánda ári og því á eldra ári í 3. flokki en æfir alfarið með meistaraflokki Gróttu. Rakel er mjög efnileg knattspyrnukona sem er búin að stimpla sig vel inn í meistaraflokkinn.
Tinna Brá á úrtaksæfingum U17 ára landsliðsins
Gróttukonan Tinna Brá er í hóp U17 kvenna sem æfir saman dagana 22.-24. janúar. Tinna Brá er á eldra ári í 3. flokki en æfir einnig og spilar með meistaraflokki kvenna. Tinna Brá er gríðarlega efnilegur markmaður sem vann m.a. það afrek að vera fyrsta landsliðskona Gróttu þegar hún lék með U15 ára landsliðinu í Víetnam s.l. sumar.
Mfl. kk í æfingaferð á Spáni
Meistaraflokkur karla er þessa dagana staddur í æfingar ferð á Albir á Spáni. Ferðin er hluti af undirbúningi liðsins fyrir baráttuna sem framundan er um laust sæti í Olís deildinni.
Halda áfram að lesaÞóra Hlíf tekur fram handboltaskónna
Eftir margra ára hlé frá handboltaiðkun hefur fyrrverandi landsliðsmarkmaðurinn ákveðið að taka fram skóna á ný. Þóra Hlíf Jónsdóttir er uppalin í Gróttu en lék síðast með Gróttu árið 2002 og Val árið 2005. Eftir það ákvað hún að leggja skóna á hilluna.
Halda áfram að lesa