Grótta Gymnastic Club seeks a head coach for its female Artistic gymnastics department. We would like to hear from you if you have been coaching at a high level and are ready for a new adventure in Iceland.
Halda áfram að lesaLeikdagur – Grótta x Stjarnan
Grótta með 4 fulltrúa í úrvalshóp fyrir keppnisárið 2024 í áhaldafimleikum kvenna
Fimleikadeild Gróttu óskar iðkendum og þjálfurum innilega til hamingju með sætið í úrvalshóp.
Halda áfram að lesaÍþróttafólk Gróttu 2023
Kjör íþróttafólks Gróttu fór fram við hátíðlega athöfn fimmtudaginn 1. febrúar síðastliðinn. Athöfnin fór fram í hátíðarsal Gróttu þar sem fagnað var íþróttaárinu 2023.
Íþróttafólk Gróttu 2023 eru þau Einar Baldvin Baldvinsson handknattleiksmaður og Freyja Hannesdóttir, fimleikakona. Einnig var kjörið íþróttafólk æskunnar en í ár eru það knattspyrnufólkið Tómas Johannessen og Arnfríður Auður Arnarsdóttir sem hlutu þá viðurkenningu. Andri Sigfússon handknattleiksþjálfari er þjálfari ársins.
Valið á sjálfboðaliðum ársins er þáttur í því að þakka þeim sem leggja til af sínum tíma og orku í félagið á hverju ári. Sjálfboðaliðar ársins 2023 eru Guðrún Jóna Stefánsdóttir hjá fimleikadeild, Eyjólfur Garðarsson hjá handknattleiksdeild og Þórir Hallgrímsson hjá knattspyrnudeild.
Veitt var viðurkenning til þeirra sem kepptu fyrir hönd Íslands í fyrsta skipti á árinu. Að þessu sinni voru það Arnfríður Auður Arnarsdóttir og Rebekka Sif Brynjarsdóttir sem spiluðu sína fyrstu landsleiki á árinu.
Í ár voru 20 aðilum veitt heiðursmerki Gróttu fyrir vel unnin störf fyrir félagið.
Þau sem hlutu bronsmerki voru eftirfarandi: Anna Dóra Ófeigsdóttir, Arnar Þór Axelsson, Bogi Elvar Grétarsson, Hansína Þóra Gunnarsdóttir, Hannes Grimm, Hildur Ólafsdóttir, Hrafnhildur Thoroddsen, Jóhanna Selma Sigurðardóttir, Sólveig Herbertsdóttir, Þórir Hallgrímsson, Ægir Steinarsson og Valgerður Thoroddsen.
Þau sem hlutu silfurmerki voru eftirfarandi: Ólöf Línberg Kristjánsdóttir, Nanna Guðmundsdóttir, Íris Björk Símonardóttir og Valdimar Ólafsson.
Þau sem hlutu gullmerki voru eftirfarandi: Arndís María Erlingsdóttir, Davíð Örn Hlöðversson, Gabriella Belányi og Kristín Þórðardóttir.
Heiðursfélagi Gróttu er æðsti heiður sem félagið veitir. Í ár var Kristín Finnbogadóttir gerð að heiðursfélaga.
Við viljum óska þeim öllum til hamingju!
Kjör íþróttafólks GRÓTTU 2023
Íþróttamaður og kona Gróttu fyrir árið 2023 verða kjörin við hátíðlega athöfn á morgunn, fimmtudaginn 1. febrúar kl. 17:30 í hátíðarsal Gróttu.
Auk þess verða krýnd:
*Íþróttakona æskunnar.
*Íþróttamaður æskunnar.
*Þjálfari ársins.
*Sjálfboðaliðar ársins hjá öllum deildum.
*Þau sem kepptu í fyrsta sinn fyrir Íslands hönd á árinu.
*Afhent verða brons-, silfur- og gullmerki Gróttu.
*Heiðursfélagi Gróttu.
Við hvetjum allt Gróttufólk til að mæta og heiðra okkar flotta íþróttafólk.
Léttar veitingar í boði.
Viðburður á Facebook
Knattspyrnudeild GRÓTTU óskar eftir íbúð til leigu!
Þrepamót FSÍ í áhaldafimleikum
Um helgina fór fram þrepamót FSÍ í áhaldafimleikum i áhaldafimleikum stelpurnar úr Gróttu stóðu sig vel og unnu til verðlauna.
Halda áfram að lesaHætt hefur verið við Þorrablót GRÓTTU!
Ákveðið hefur verið að fella niður fyrirhugað Þorrablót ann 27. janúar næstkomandi. Kostnaður við halda Þorrablót í Íþróttahúsinu hefur aukist verulega á milli ára og fyrirséð að nægileg þáttaka sé ekki til staðar svo blótið geti staðið undir sér.
Halda áfram að lesaÚrvalshópur 2024 í áhaldafimleikum
Þær Auður Anna Þorbjarnardóttir og Ásdís ErnaIndriðadóttir hafa verið valdar í úrvalshóp í áhaldafimleikum.
Halda áfram að lesaAndri nýr yfirþjálfari handknattleiksdeildar
Andri Sigfússon hefur tekið við sem yfirþjálfari handknattleiksdeildar Gróttu. Hann tekur við af Magnúsi Karli Magnússyni. Andri er uppalinn Gróttumaður, æfði með félaginu frá unga aldri og hóf svo þjálfun árið 2002. Það má með sanni segja að Andri sé einn af reyndustu og öflugustu þjálfurum Gróttu og því mikill fengur að fá hann sem yfirþjálfara. Ásamt því að sinna yfirþjálfarastarfinu og þjálfun nokkurra flokka hjá Gróttu, er Andri þjálfari U-liðs Gróttu og U-16 landsliðs karla. Andri er afar metnaðarfullur og kraftmikill þjálfari og það er mikil tilhlökkun hjá stjórn barna-og unglingaráðs Gróttu fyrir komandi samstarfi.
„Ég hlakka mikið til að hefja störf og halda áfram því góða starfi sem hefur verið unnið í vetur og undanfarin ár. Grótta hefur á að skipa virkilega öflugum hópi þjálfara sem hefur unnið frábært starf með okkar fjölmörgu iðkendum. Vonandi náum við í sameiningu að bæta okkar starf enn þá meira,“ sagði Andri þegar samningar voru í höfn.