Árlegur haust fundur fyrir þjálfara félagasins var haldin í gærkvöldi. Í byrjun fór íþróttastjóri félagsins yfir praktísk mál og skilaboð frá skrifstofunni.
Halda áfram að lesaCRAFT VEFVERSLUN
Nú er samstarfið okkar við hið sænska fatamerki Craft komin í fullan gang. Fimleika- og handboltadeild hafa lokið mátunardögum en það er ekki orðið klárt hvernig búningamálum verður háttað hjá knattspyrnudeild.
Ný vefverslun fyrri Craft hefur verið opnuð craftverslun.is og þar er að finna svæði tengt okkar vörum.
2. flokkur karla upp um deild
Það var frábær stemning á Vivaldivellinum í kvöld og fjöldi fólks í stúkunni þegar 2. flokkur karla tryggði sér sæti í B-deild Íslandsmótsins. Andstæðingar Gróttu var lið KR2 sem tefldi fram nokkrum sterkum leikmönnum í leiknum, þar sem jafnræði var með liðunum fyrsta hálftímann.
Grótta skoraði tvö mörk rétt fyrir leikhlé og í byrjun seinni hálfleiks gerðu strákarnir út um leikinn og komust í 4-0. Kjartan Kári Halldórsson var með tvö mörk, Benjamin Friesen með eitt og eitt markanna var sjálfsmark. Halldór Orri Jónsson skoraði rétt fyrir leikslok og tryggði Gróttu 5-0 sigur og mikil gleði braust út í leikslok. Í sumar hefur liðsheildin í 2. flokknum verið sterk og leikmenn A- og B-liðsins staðið vel við bakið hvor á öðrum. Tímabilið er ekki alveg búið því á laugardaginn leika strákarnir við Selfoss í úrslitaleik um sigur í C-deild.
Við óskum strákunum og þjálfurum þeirra, Arnari Þór Axelssyni og Dom Ankers, innilega til hamingju með árangurinn.
Eyjólfur Garðarsson ljósmyndari var á sínum stað á vellinum og hér er að finna stórglæsilegt albúm frá leiknum.
![](https://b1752376.smushcdn.com/1752376/wp-content/uploads/2022/09/1DX24955-1024x590.jpg?lossy=1&strip=1&webp=1)
Mikið fjör á æfingum 9.flokks
Tæplega 30 krakkar mæta að staðaldri á æfingar 9.flokks á laugardögum í Íþróttahúsi Gróttu. Arndís María Erlingsdóttir og Íris Björk Símonardóttir hafa veg og vanda að skipulagningu og æfingum krakkanna en þær eru margreyndar úr þjálfun hjá félaginu og tvær af leikjahæstu leikmönnum Gróttu frá upphafi.
Innihald æfinganna eru leikir með og án bolta auk fjölbreyttra handboltaæfinga sem reyna á samhæfingu, jafnvægi, styrk og hittni. Segja má að mikil einbeiting og mikið stuð sé hjá þessum flotta hópi á laugardögum.
Skráning í flokkinn fer fram í Sportabler: https://www.sportabler.com/shop/grotta/handbolti
Áfram Grótta !
2. flokkur Gróttu spilar úrslitaleik í kvöld
Í kvöld spilar 2. flokkur karla hjá Gróttu umspilsleik við lið KR2 um sæti í B-deild. Gróttumenn hafa spilað vel í sumar og ætla sér að enda leiktíðina með stæl. Margir leikmenn liðsins hafa æft fótbolta hjá Gróttu frá 5-6 ára aldri og þeir elstu, fæddir 2003, geta nú lokið yngri flokka ferlinum með eftirminnilegum hætti.
Leikurinn fer fram á Vivaldivellinum kl. 18:00. Það verður góð stemning á vellinum en Gróttuborgararnir víðfrægu verða til sölu og búist er við góðum hópi áhorfenda á þennan spennandi nágrannaslag.
![](https://b1752376.smushcdn.com/1752376/wp-content/uploads/2022/09/2flFinal-1024x683.jpeg?lossy=1&strip=1&webp=1)
![](https://b1752376.smushcdn.com/1752376/wp-content/uploads/2022/09/2fl-seinni-1022x1024.jpg?lossy=1&strip=1&webp=1)
Lumar þú á ljósmyndum úr starfi Gróttu?
Undanfarið ár höfum við verið í átaki að leita uppi myndir úr starfi Gróttu í gegnum tíðina.
Hrafnhildur Thoroddsen sem kemur til okkar þrisvar í viku og hún hefur undanfarið ár skannað allar þær myndir sem hafa safnast saman hjá okkur á skrifstofu Gróttu.
Við viljum líka taka við stafrænum myndum sem við getum geymt í skýinu okkar.
Nánar upplýsingar gullijons@grotta.is
Við höfum reglulega sett inn gamlar Gróttumyndirí albúm á Facebook síðu okkar.
https://www.facebook.com/media/set/?set=a.10159472844209874&vanity=97036674873
![](https://b1752376.smushcdn.com/1752376/wp-content/uploads/2021/12/hrafnhildur-768x1024.jpg?lossy=1&strip=1&webp=1)
Grótta komin í Lengjudeildina!
Þá hafa Gróttukonur lokið sínum síðasta leik í sumar og hafa tryggt sér sæti í Lengjudeildinni að ári! Grótta endaði í 2. sæti með 34 stig og bestu markatölu deildarinnar! Þessum árangri var fagnað vel á Vivaldivellinum þann 23. september sl. og þökkum við áhorfendum fyrir komuna og stuðninginn. Síðasti leikurinn hjá stelpnunum var merkilegur af fleiri ástæðum en Bjargey Sigurborg Ólafsson spilaði sinn 100. leik fyrir Gróttu og Nína Kolbrún Gylfadóttir spilaði sínar fyrstu mínútur eftir að hafa slitið krossband í fyrra sumar. Frábærar fyrirmyndir báðar tvær!
Til hamingju með árangurinn stelpur, þjálfarar og allir sem að liðinu koma! Sjáumst á Vivaldi á næsta ári!
![](https://b1752376.smushcdn.com/1752376/wp-content/uploads/2022/09/308783185_518962610233058_1605225908806328139_n-1024x683.jpeg?lossy=1&strip=1&webp=1)
Emelía skorar fyrir Kristianstad
Emelía Óskarsdóttir skoraði sitt fyrsta mark fyrir aðallið Kristianstad í sænsku úrvalsdeildinni í síðustu viku 👏🏽💥
Emelía kom inná undir lok fyrri hálfleiks þegar Kristianstad tók á móti Hammarby Hún skoraði þriðja mark liðsins en Kristianstad fór með 3-1 sigur. Gróttukonan Emelía gekk í raðir Kristianstad í janúar á þessu ári og hefur henni gengið vel að stimpla sig inn í liðið, en hún er einungis 16 ára gömul. Það er mikið gleðiefni að ungar Gróttustelpur eigi ekki einungis góðar fyrirmyndir innan félagsins heldur einnig úti í heimi. Vel gert Emelía! 🙌🏽
![](https://b1752376.smushcdn.com/1752376/wp-content/uploads/2022/09/emelia-821x1024.jpeg?lossy=1&strip=1&webp=1)
Sara Björk á leið til Póllands með U15 ára landsliðinu!
Gróttukonan Sara Björk er í hóp U15 ára landsliðsins sem Ólafur Ingi Skúlason, landsliðsþjálfari U15 kvenna, hefur valið fyrir UEFA development mót í Póllandi dagana 2. – 9.október. Hópurinn mun æfa tvisvar sinnum áður en haldið er til Pólland og fara þær æfingar fram 30. september og 1. október í Miðgarði.
Til hamingju Sara og gangi þér vel! 💪🏽💙
![](https://b1752376.smushcdn.com/1752376/wp-content/uploads/2022/09/sara-björk.jpg?lossy=1&strip=1&webp=1)
Fannar Hrafn valinn í Hæfileikamót N1 og KSÍ
Gróttumaðurinn Fannar Hrafn Hjaltason hefur verið valinn til að taka þátt í Hæfileikamóti N1 og KSÍ 2022 dagana 14.- 16. september. Æfingarnar fara fram í Miðgarði í Garðabæ. Fannar er fæddur árið 2008 og er gríðarlega efnilegur. Knattspyrnudeild Gróttu fagnar því að eiga fulltrúa í þessum hópi og óskar Fannari góðs gengis á æfingunum!
![](https://b1752376.smushcdn.com/1752376/wp-content/uploads/2022/09/fannar-hrafn.jpg?lossy=1&strip=1&webp=1)