Boðið er upp á handboltaskóla í vetrarleyfinu næstu daga. Námskeiðsdagarnir eru á fimmtudaginn, föstudaginn og mánudaginn. Æfingarnar fara fram kl. 09:00-12:00 og eru krakkarnir beðnir um að koma með nesti.
Þjálfarar námskeiðsins eru þjálfarar yngri flokkanna og leikmenn meistaraflokka félagsins.
Skráningin fer fram í í gegnum Abler: https://www.abler.io/…/product/Q2x1YlNlcnZpY2U6MzQ0OTM=
Mikill fjöldi og góð stemning var á Kynningarkvöldi Gróttu sem fram fór í kvöld í Hátíðarsal Gróttu. Þar hlýddu gestir á þjálfara meistaraflokkanna, þá Róbert Gunnarsson og Sigurjón Friðbjörn Björnsson fara yfir leikmannahópana, hvernig undirbúningurinn hefur verið og markmið fyrir veturinn.
Ólafur Finnbogason formaður Handknattleiksdeildar Gróttu ræddu hin ýmsu mál og kynnti breytt úrval árskorta sem eru komin í sölu á Stubbur appinu. Nýr og glæsilegur keppnisbúningur var frumsýndur og var Einar Örn Jónsson fjölmiðlamaður með létta tölu um Gróttu.
Kvöldið heppnaðist frábærlega og var góð stemning á meðal stuðningsfólks. Fyrstu eikir meistaraflokkanna okkar eru á laugardaginn þegar fyrsta Gróttutvenna tímabilsins fer fram.
Grótta – ÍBV kl. 14:00 / Mfl. kvenna
Grótta – KA kl. 16:15 / Mfl. karla
Fjölmennum og styðjum Gróttu til sigurs !
Æfingar allra flokka hefjast fimmtudaginn 22.ágúst samkvæmt æfingatöflu vetrarins. Við bjóðum öllum krökkum og unglingum velkomna á æfingar. Það kostar ekkert að prófa. Þjálfarar deildarinnar taka vel á móti krökkunum.
Allar æfingarnar eru komnar í Sportabler.
Upplýsingar um þjálfara má finna á heimasíðu Gróttu, https://grotta.is/handknattleiksdeild/thjalfarar/
Skráning í handboltastarfið er í fullum gangi en beinn hlekkur er hér: https://www.abler.io/shop/grotta/handbolti
Ef það eru einhverjar spurningar um starfið, þá hafið endilega samband við Andra Sigfússon yfirþjálfara á andri@grotta.is
Sjáumst í handbolta í vetur !
Handknattleiksdeild Gróttu er með æfingar fyrir krakka á leikskólaaldri fædda 2019 og 2020. Æfingarnar eru á laugardögum kl. 09:15-10:00 og fara fram í litla salnum í íþróttahúsinu. Þjálfari er Eva Björk Hlöðversdóttir.
Á æfingunum gefst krökkum á leikskólaaldri að kynnast handbolta með reglubundnum æfingum einu sinni í viku. Lögð verður áhersla á skemmtilega leiki með og án bolta og grunnatriði handbolta kennd með fjölbreyttri hreyfingu. Fyrsta æfing verður 7.september. Við hvetjum alla til prófa. Frítt verður að prófa fyrstu æfingar.
Skráning fer fram í Sportabler, https://www.abler.io/shop/grotta/handbolti og er verðið fyrir haustönnina 25.900 kr. Hægt er að nálgast frekari upplýsingar á netfangið andri@grotta.is.
Handknattleiksdeild Gróttu auglýsir eftir þjálfurum til starfa hjá yngri flokkum félagsins. Nánari upplýsingar og umsóknir sendast á Andra Sigfússon yfirþjálfara á netfangið andri@grotta.is
Núna á næstu dögum hefst sumarstarf handboltans. Það verður ýmislegt í boði fyrir verðandi grunnskólaaldur. Öll námskeið fara fram í Hertz-höllinni á Seltjarnarnesi og eru viku í senn.
Handboltaskóli fyrir krakka f. 2013-2018
29. júlí – 21.ágúst
kl. 09:00-12:00
Skólastjóri: Patrekur Pétursson Sanko
Þjálfarar: Þjálfarar handknattleiksdeldar auk gestaþjálfara
Hægt að kaupa gæslu frá kl. 08:00-09:00 og frá 12:00-13:00
______________________________________________
Afreksskóli fyrir krakka og unglinga f. 2009-2012
6. ágúst – 21.ágúst
kl. 12:30-14:00
Skólastjóri: Patrekur Pétursson Sanko
Þjálfarar: Þjálfarar handknattleiksdeildar auk gestaþjálfara
______________________________________________
Fókusþjálfun fyrir krakka og unglinga f. 2008-2012
29. júlí – 1.ágúst
kl. 12:00-13:00
Umsjón og þjálfun: Tinna Jökulsdóttir
______________________________________________
Skráning í handbolta- og afreksskólann fer fram í gegnum Sportabler. Beinn hlekkur er hér: https://www.abler.io/shop/grotta/handbolti. Hægt er að nálgast frekari upplýsingar um skólana hjá Andri Sigfússyni yfirþjálfara á andri@grotta.is.
Skráning í Fókusþjálfun fer fram í gegnum Tinnu Jökulsdóttur, tinnaj@sjukrasport.is. Hægt er að nálgast frekari upplýsingar um Fókusþjálfunina í meðfylgjandi auglýsingu eða á https://www.instagram.com/fokusthjalfun
Grótta býður iðkendum sínum að taka þátt í spennandi námskeiði á vegum Fókusþjálfunar. Skemmtilegt námskeið þar sem farið er yfir liðkun, jafnvægi og snerpuæfingar. Einnig eru gerðar skemmtilegar boltaæfingar sem reyna á samhæfingu, athygli og víðsýni.
Námskeiðið verður í fjóra daga, mánudaginn 29.júlí til fimmtudagsins 1.ágúst. Námskeiðið fer fram í Hertz-höllinni.
Þjálfari námskeiðsins er Tinna Jökulsdóttir, eigandi Fókusþjálfunar, sjúkraþjálfari og fyrrum handboltakona. Hún er sjúkraþjálfari meistaraflokks kvenna í Stjörnunni og A-landsliðs kvenna í handbolta. Skráning fer fram á tinnaj@sjukrasport.is
Frekari upplýsingar um Fókusþjálfun má nálgast á instagram-síðunni https://www.instagram.com/fokusthjalfun
Handknattleiksdeild Gróttu auglýsir eftir þjálfurum til starfa hjá yngri flokkum félagsins. Nánari upplýsingar og umsóknir sendast á Andra Sigfússon yfirþjálfara á netfangið andri@grotta.is
Hafsteinn Óli Berg Ramos Rocha hefur skrifað undir tveggja ára samning við Handknattleiksdeild Gróttu. Hafsteinn Óli, eða Óli eins og hann er kallaður kemur úr herbúðum HK þar sem hann hefur leikið undanfarin þrjú árin. Óli lék eitt tímabil með Aftureldingu en er uppalinn hjá Fjölni í Grafarvogi. Þar var hann hluti af sigursælum 2000-árgangi sem urðu meðal annars bikar- og Íslandsmeistarar í 3.flokki.
Óli er hávaxinn og er örvhentur. Hann eykur breidd Gróttuliðsins hægra megin á vellinum en hann muna deila stöðunni með Ara Pétri Eiríkssyni.
Óli lék með öllum yngri landsliðum Íslands og var til dæmis hluti af U18 ára landsliðinu sem fékk silfur á EM í Króatíu.
„Það eru góð tíðindi að Óli sé kominn á Nesið. Það býr mikið í honum enda hæfileikaríkur leikmaður. Það er ekki eingöngu mikil skotógn af honum, heldur er hann afbragðs varnarmaður. Ég hlakka mikið til að vinna með honum á næstu tímabilum“, sagði Róbert Gunnarsson þjálfari Gróttuliðsins þegar samningar voru í höfn.
Vertu velkominn í blátt, Óli !
Á myndinni má sjá Hafstein Óla með Hörpu Guðfinnsdóttur stjórnarkonu í stjórn Handknattleiksdeildar Gróttu.
Mynd: Eyjólfur Garðarsson
Íslenska U20 ára landsliðið með okkar stelpum, Önnu Karólínu Ingadóttur og Katrínu Önnu Ásmundsdóttur innanborð gerði sér lítið fyrir og endaði í 7.sæti á HM. Mótið var haldið í Norður-Makedóníu og stóðu okkar leikmenn sig vel.
Íslenska liðið vann riðilinn sinn og komst í milliriðla með full hús stiga. Þar unnu þær íslensku Svartfjallaland en töpuðu gegn Portúgal. Með þeim úrslitum voru andstæðingar íslenska liðsins Ungverjaland í 8 liða úrslitum. Ungverjar eru ríkjandi Evrópumeistarar og því um erfiða leik að ræða. Okkar stelpur létu það lítið á sig fá og fór leikurinn í framlengingu. Ungverjar voru sterkari þar og mætti því íslenska liðið Svíum í krossspili um 5. – 8.sæti. Þar voru Svíar sterkari og mætti íslenska liðið því Svisslendingum um 7.sæti mótsins. Íslenska liðið sýndi mátt sinn og megin og vann 29-26 í miklum baráttuleik.
Þessi árangur, 7.sæti á HM er besti árangur sem kvennalandslið hefur náð frá upphafi. Við erum stolt af árangri liðsins og ekki síst okkar leikmanna, Önnu Karólínu Ingadóttur og Katrínar Önnu Ásmundsdóttur sem léku vel fyrir liðið. Þessi reynsla mun án efa hjálpa þessum efnilegum leikmönnum til frekari afreka og hjálpa Gróttuliðinu í Olísdeildinni í haust.
Til hamingju leikmenn og þjálfarar !
