Komdu og prófaðu frítt!

Æfingatímar hjá Handboltanum og fótboltanum má finna hér á vefsíðu Gróttu.

Sund

Frítt að prufa æfing fyrir 1.-6. bekk

Þriðjudaginn 17.feb kl 14:30-15:10

Fimleikar

Frítt að prufa æfingar hjá eftirfarandi hópum.

5. Flokki (stúlkur 2017) mánudaginn 9. febrúar og miðvikudaginn 11. Febrúar kl. 14:40-16:10. 

4. flokki (stúlkur fæddar 2016 og 2017)  mánudag 9.febrúar og miðvikudag 11.febrúar frá kl. 16 – 18. 

Drengir fæddir (2015, 2016 og 2017. 2017)  fimmtudaginn 12. febrúar kl. 16:40-17:40

Sá langmarkahæsti kveður sviðið💙

Líkt og kom fram í Jólablaði Gróttu þá hefur Pétur Theodór Árnason ákveðið að leggja skóna á hilluna 30 ára gamall. Pétur er markahæsti leikmaður Gróttu frá upphafi og sá næst leikjahæsti, í það minnsta frá því að KSÍ byrjaði að halda utan um tölfræði. Hann hefur spilað 178 leiki fyrir Gróttu og skorað 79 mörk. Hann spilaði sinn fyrsta meistaraflokksleik árið 2011, þá 16 ára gamall, og spilaði þegar allt er talið nákvæmlega 200 leiki í deild og bikar fyrir Gróttu, Kríu og Breiðablik en

hann varð Íslandsmeistari með Blikum sumarið 2022.

Pétur spilaði seinna hluta sumarsins með Gróttu síðastliðið sumar þegar liðið kom sér upp í Lengjudeildina á ný: „Í það minnsta er ég mjög sáttur með að kveðja fótboltann með þessum hætti. Liðið mitt aftur komið á réttan stað og ég náði að spila í Gróttutreyjunni og fá strákinn minn í fangið beint eftir leik. Þetta hljómar kannski skringilega þar sem hann mun aldrei muna eftir þessu en mér þótti mjög vænt um þetta augnalik,“ segir Pétur sem hefur nú lagt skóna á hilluna, rúmum 14 árum eftir að hann spilaði sinn fyrsta leik fyrir Gróttu. 

Pétri verður sárt saknað innan sem utan vallar en við óskum honum góðs gengis í þeim verkefnum sem taka við. 

Takk Pétur! 💙

Myndir: Eyjólfur Garðarsson 📸

Gróttukonur í hóp hæfileikamótunar N1 og KSÍ

Gróttukonurnar Alexandra Bergmann Alexandersdóttir, Andrea Líf Ómarsdóttir og Sara Björt Helgadóttir hafa verið valdar í hóp Hæfileikamótunar N1 og KSÍ sem fer fram 30. janúar nk. Æfingin fer fram í Miðgarði undir stjórn Aldísar Ylfu Heimisdóttur, þjálfara í Hæfileikamótun. 

Þetta verður skemmtileg reynsla fyrir stelpurnar og eflaust munu fleiri Gróttustelpur gera sig gildandi í slíkum verkefnum á næstu misserum.

Vel gert stelpur og gangi ykkur vel! 💙

Tomas Bekkavik hefur verið ráðinn landsliðsþjálfari.

Okkar eigin Tomas Bekkavik hefur verið ráðin landsliðsþjálfari á stökkáhöldum hjá drengjaliði Íslands! Evrópumótið í hópfimleikum 2026, sem fer fram í Espoo, Finnlandi dagana 14.-17. október.

Við óskum Tomasi innilega til hamingju með þetta verðskuldaða hlutverk og hlökkum til að fylgjast með honum og drengjaliðinu á þessu stóra og spennandi móti!💙💛

Lesa nánar: https://fimleikasamband.is/landslidsthjalfarar-em-2026/?fbclid=IwZXh0bgNhZW0CMTAAYnJpZBExclN6N1lXeE1SUEhLTUJRc3NydGMGYXBwX2lkEDIyMjAzOTE3ODgyMDA4OTIAAR7N3xdIdMhFNnpXjcHNOWGfX7ZtCq5n_WDPTFbC-zUQ6BJmpHCT8l7Gc-PsYQ_aem__Wd3X0qpYY5J8Z_jm6t76A

Boltaskóli Gróttu heldur áfram

!!VORÖNN!! Nú verður einnig hægt að skrá börn sem eru fædd snemma árið 2023😁

Knattspyrnu og handknattleiksdeildir Gróttu halda áfram með Boltaskóla fyrir börn fædd 2022 á sunnudögum kl. 09:15.

Vorönn byrjar 4. janúar og skráning er hafin, líkt og seinast er notast við klippikortakerfi. https://www.abler.io/shop/grotta/fotbolti?program=Q2x1YlNlcnZpY2U6NDY0NDg=

Skemmtilegt námskeið þar sem að við leggjum áherslu á að foreldri/forráðamaður og barn njóti gæðastundar saman í tímanum þar sem unnið er með leik og hreyfingu með bolta og önnur áhöld.

Námskeiðið er sett upp þannig að einn forráðamaður mætir með barninu í tímann og er með barninu í leik og starfi.

Hlökkum til að sjá ykkur!
Hansína og Arndís María

Skötuveisla Gróttu

Íþróttafélagið Grótta ætlar að bjóða í skötuveislu sunnudaginn 21. desember milli 12:00 og 14:00.

Boðið verður uppá skötu með mörfeiti/hnoðmör, soðnar rófur og kartöflur, soðinn saltfisk, rúgbrauð og smjör ásamt ris a la mandle með berjasósu. Einnig verður á helt uppá kaffi og ýmsar fljótandi veitingar í boði 🍻

Miði kostar 5.900 kr á haus, en hægt verður að greiða við inngang eða millifæra inná reikning (Kennitala: 700371-0779, Bankareikningur: 0537-26-201234).

Hlökkum til að sjá sem flesta 🎉

Aðventukósý Gróttukvenna

Kæru Gróttu-konur, kempur og almennar Nes drottningar.

Gróttu-konur skella í smá aðventu hygge enda alltof langt síðan við höfum hist og gert okkur glaðan dag saman.

Gleðin verður á Örnu kaffihúsi fimmtudaginn 4. des milli kl 17-19. Miðaverð er 5500 enda smá fjáröflun í leiðinni og fyrir það færðu einn drykk, létt jóla nasl og samveru með skemmtilegustu konum landsins. Það kemur Leynigestur og svo aldrei að vita nema við syngjum saman nokkur jólalög. Á barnum verður hægt að versla, heitt glögg, jólabjór eða jólabubblur ala KB 13 og að lokum verða kynnt skemmtilegheit sem framundan eru 2026.

Endilega bókið ykkur og ykkar hóp miða sem fyrst. Hlökkum til að sjá ykkur.

https://tix.is/event/20732/adventukosy-grottukvenna

Nýjung í Gróttu – Hobbý hestar

Gleði, leikur og lipurð blandast saman í frábæra æfingu fyrir börn og ungmenni á grunnskólaaldri. Komið og prufið þessa frábæru íþrótt sem sameinar hestamennsku og fimleika á einstakan hátt.

Íþróttafélagið Grótta ætlar að bjóða uppá fríar prufu æfingar í Hobbý hestum næstu fjóra sunnudaga. Þetta er ekkert flókið, mæta í íþróttafötum með vatnsbrúsa og með hest ef hann er til. Á staðnum verða nokkrir lánshestar fyrir þá sem ekki eiga og vilja prófa.

Skráning fer fram í gegnum Abler hér: https://www.abler.io/shop/grotta/1?program=Q2x1YlNlcnZpY2U6NDk0NTk=

Næring, fræðslufyrirlestur fyrir íbúa 60+ í hátíðarsal Gróttu

FRÍSK Í GRÓTTU bjóða íbúa Seltjarnarnesbæjar, 60 ára og eldri, hjartanlega velkomna á fræðslufyrirlestur um næringu með Agnesi Þóru Árnadóttur, næringar- og íþróttafræðingi (BSc í næringarfræði, MSc í íþróttanæringarfræði) en fræðslufyrirlesturinn er samstarfsverkefni Frísk í Gróttu, Félags eldri borgara á Seltjarnarnesi og Seltjarnarnesbæjar.

Á fyrirlestrinum verður farið yfir mikilvægi góðrar næringar fyrir heilsu, orku og vellíðan. Þátttakendur fá hagnýtar ráðleggingar sem auðvelt er að nýta í daglegu lífi. Markmið okkar er að stuðla að auknu heilsulæsi meðal þátttakenda og íbúa bæjarins — því þekking á eigin heilsu og næringu er lykillinn að betri lífsgæðum.

Við hvetjum alla til að mæta, hlusta, spyrja spurninga og taka þátt í fræðandi og skemmtilegri samveru!

Staðsetning: Hátíðarsalur Gróttu (Suðurströnd 8, 170 Seltjarnarnes)

Dagsetning: Fimmtudagur 30. október

Tími: Kl. 10:45