Gróttumaðurinn Kjartan Kári Halldórsson er í æfingahóp U19 ára landsliðsins. Ólafur Ingi Skúlason, landsliðsþjálfari U19 karla, hefur valið 23 leikmenn frá 12 félögum til æfinga 25.-28. mars, en æfingarnar fara fram í Skessunni í Hafnarfirði.
Til hamingju Kjartan! 🇮🇸
Hákon Rafn Valdimarsson, markmaður Gróttu, er í hóp U21 árs landsliðsins fyrir EM 2021. Mótið er tvískipt, en riðlakeppnin fer fram núna í mars og 8-liða úrslit, undanúrslit og úrslit í sumar. Ísland er í riðli með Rússlandi, Danmörku og Frakklandi og leikur alla leiki sína í Györ í Ungverjalandi. Leikirnir þrír verða í beinni útsendingu á RÚV. Strákarnir hefja leik gegn Rússlandi 25. mars, mæta Dönum 28. mars og enda svo riðlakeppnina á leik gegn Frökkum 31. mars.
Til hamingju Hákon! 🇮🇸
Níu drengir voru boðaðir á landsliðsæfingar hjá fjórum landsliðum og fimm stúlkur hjá tveimur landsliðum. Ólafur Brim Stefánsson leikmaður meistaraflokks karla var valinn í æfingahóp hjá U-21 landsliðshópnum en þær æfingar féllu niður sökum þess að verkefni U-21 árs landsliðsins sem framundan var í sumar hefur verið aflýst sökum heimsfaraldurs. Ari Pétur Eiríksson leikmaður 3.flokks og meistaraflokks æfði með U-19 ára landsliðinu. Þrír leikmenn æfðu með U-17 ára liðinu, þeir Birgir Örn Arnarsson, Gabríel Örtenblad Bergmann og Hilmir Örn Nielsen en tveir síðar nefndu eru leikmenn í 4.flokki. Alex Kári Þórhallsson, Antoine Óskar Pantano, Hannes Pétur Hauksson og Hrafn Ingi Jóhannson æfðu með U-15 ára landsliðinu allir eru þeir á yngri ári í 4.flokki.
Um komandi helgi munu þær, Hrafnhildur Hekla Grímsdóttir, Katrín Helga Sigurbergsdóttir og Patricia Dúa Thompson æfa með U-21 landsliðinu og á meðan munu þær Katrín Anna Ásmundsdóttir og Joanna Marianova Siarova æfa með U-17 ára landsliðinu. Allar eru þær í meistaraflokki Gróttu auk þess að leika með yngri flokkum félagsins.
Meistaraflokkar handknattleiksdeildar Gróttu ætla að halda glæsileg námskeið í dymbilvikunni, dagana 29-31. mars. Í boði verða tvo aðskilin námskeið, annað ætlað 1-4.bekk (2014-2011) og hitt ætlað 5-8.bekk (2010-2007).
Continue reading
ATHUGIÐ – Námskeið heftur verið fellt niður vegna sóttvarnaraðgerða. Vinsamlegast hafið samband við Ólöfu framkvæmdastjóra fimleikadeildar Gróttu varðandi endurgreiðslu á þátttökugjaldi. Tölvupóstfang fimleikadeild@grotta.is og sími 561-1137.
Fimleikadeild Gróttu ætlar að bjóða upp á Fimleikafjör dagana 29., 30. og 31. mars fyrir krakka á aldrinum 7 – 10 ára (2011-2014).
Fimleikasalurinn er opinn og farið verður í fimleikaæfingar, leiki og frjálsan leik. Hægt verður að lita og perla ef fimleikaorkan klárast.
Fjörið er frá kl. 09:00 – 12:00. Krakkarnir þurfa að taka með sér hollt og gott nesti.
Hver dagur kostar 2700 kr. Skráning og greiðsla fer fram í gegnum https://www.sportabler.com/shop/grotta.
ATH: Það er takmarkaður fjöldi þátttakenda.
Hin 23 ára gamla Maggie Smither mun verja mark Gróttu í sumar. Maggie hefur á ferli sínum leikið með South Dakota State í bandaríska háskólaboltanum og með tveimur liðum í WPSL sumardeildinni.
Maggie, sem kemur til landsins í lok mars, kveðst spennt fyrir því að spila fótbolta á Íslandi:
„Ég er mjög þakklát fyrir tækifærið að spila með Gróttu í sumar. Það verður spennandi fyrir mig að spila í nýju landi og ég er viss um ég geti bætt mig sem leikmaður hjá félaginu. Ég hlakka til að vinna með Magnúsi og Pétri sem virka mjög vel á mig sem þjálfarar.“
Magnús Örn Helgason, annar þjálfara Gróttu, fagnar komu Maggie Smither og hlakkar til að fá hana inn í hópinn:
„Þetta eru frábær tíðindi fyrir Gróttu. Við lögðum mikið í að finna sterkan markvörð í staðinn fyrir Tinnu (Brá Magnúsdóttur) og held við séum heppin að fá Maggie í okkar lið. Hún er öflugur leikmaður og hennar fyrrum þjálfarar í Bandaríkjunum bera henni vel söguna. Við vonum að Gróttufólk og aðrir Seltirningar taki vel á móti Maggie og hjálpi henni að aðlagast nýju umhverfi“
Við bjóðum Maggie hjartanlega velkomna í Gróttu og hlökkum til að sjá hana spila strax í apríl.
Meðal aðgerða stjórnvalda vegna Covid-19 er styrkur sem hægt er að sækja um til sveitarfélaga vegna íþrótta- og tómstundastarfs barna. Styrkurinn er veittur vegna barna sem eru fædd á árunum 2005–2014
Continue reading
6. og 7. flokkur kvenna Gróttu kepptu á Krónumóti HK um helgina sem fór fram í Kórnum. Á laugardeginum spilaði 6. flokkur kvenna en þær tefldu fram 5 liðum á mótinu. Á sunnudeginum var svo komið að 7. flokki kvenna en þær voru með fjögur lið. Sumar voru að spila á sínu fyrsta alvöru fótboltamóti en þær höfðu allar beðið lengi spenntar eftir þessum degi, enda ansi langt síðan síðasta mót var. Stelpurnar stóðu sig ótrúlega vel og ljóst að framtíðin er björt hjá Gróttu. Fleiri myndir má sjá á instagram.com/grottasport og á Facebook síðu Gróttu knattspyrna.
Rúmlega 30 Gróttustrákar úr 7. flokki karla fengu loksins að fara á fótboltamót þegar Krónumót HK var haldið í Kórnum í gær. Grótta fór með 6 lið á mótið og stóðu drengirnir sig allir með prýði. Mikil gleði var á mótinu eins og sjá má á meðfylgjandi mynd, en fleiri myndir má sjá á instagram síðu fótboltans (grottasport) og á facebook (Grótta Knattspyrna).
Hákon Rafn Valdimarsson er í æfingahóp U21 árs landsliðsins sem æfir saman dagana 3. og 4. mars.
U21 karla leikur í lokakeppni EM 2021 í lok mars, en liðið er í riðli með Rússlandi, Frakklandi og Danmörku. Tvö efstu lið riðilsins fara svo áfram í átta liða úrslit, en þau fara fram í júní ásamt undanúrslitum og úrslitum. Mótið fer fram í Slóveníu og Ungverjalandi, en Ísland leikur alla þrjá leiki sína í riðlakeppninni í Györ í Ungverjalandi.
