Nú styttist í skemmtilegasta mót ársins, Ofurhetjumótið!
Ofurhetjumót Gróttu verður haldið dagana 13.–15. febrúar. Við erum ofur spennt og hlökkum til að sjá ykkur öll!
Ofurhetjumótið 2026
Komdu og prófaðu frítt!
Æfingatímar hjá Handboltanum og fótboltanum má finna hér á vefsíðu Gróttu.
Sund
Frítt að prufa æfing fyrir 1.-6. bekk
Þriðjudaginn 17.feb kl 14:30-15:10
Fimleikar
Frítt að prufa æfingar hjá eftirfarandi hópum.
5. Flokki (stúlkur 2017) mánudaginn 9. febrúar og miðvikudaginn 11. Febrúar kl. 14:40-16:10.
4. flokki (stúlkur fæddar 2016 og 2017) mánudag 9.febrúar og miðvikudag 11.febrúar frá kl. 16 – 18.
Drengir fæddir (2015, 2016 og 2017. 2017) fimmtudaginn 12. febrúar kl. 16:40-17:40
Sá langmarkahæsti kveður sviðið💙
Líkt og kom fram í Jólablaði Gróttu þá hefur Pétur Theodór Árnason ákveðið að leggja skóna á hilluna 30 ára gamall. Pétur er markahæsti leikmaður Gróttu frá upphafi og sá næst leikjahæsti, í það minnsta frá því að KSÍ byrjaði að halda utan um tölfræði. Hann hefur spilað 178 leiki fyrir Gróttu og skorað 79 mörk. Hann spilaði sinn fyrsta meistaraflokksleik árið 2011, þá 16 ára gamall, og spilaði þegar allt er talið nákvæmlega 200 leiki í deild og bikar fyrir Gróttu, Kríu og Breiðablik en
hann varð Íslandsmeistari með Blikum sumarið 2022.
Pétur spilaði seinna hluta sumarsins með Gróttu síðastliðið sumar þegar liðið kom sér upp í Lengjudeildina á ný: „Í það minnsta er ég mjög sáttur með að kveðja fótboltann með þessum hætti. Liðið mitt aftur komið á réttan stað og ég náði að spila í Gróttutreyjunni og fá strákinn minn í fangið beint eftir leik. Þetta hljómar kannski skringilega þar sem hann mun aldrei muna eftir þessu en mér þótti mjög vænt um þetta augnalik,“ segir Pétur sem hefur nú lagt skóna á hilluna, rúmum 14 árum eftir að hann spilaði sinn fyrsta leik fyrir Gróttu.
Pétri verður sárt saknað innan sem utan vallar en við óskum honum góðs gengis í þeim verkefnum sem taka við.
Takk Pétur! 💙
Myndir: Eyjólfur Garðarsson 📸
Gróttukonur í hóp hæfileikamótunar N1 og KSÍ
Gróttukonurnar Alexandra Bergmann Alexandersdóttir, Andrea Líf Ómarsdóttir og Sara Björt Helgadóttir hafa verið valdar í hóp Hæfileikamótunar N1 og KSÍ sem fer fram 30. janúar nk. Æfingin fer fram í Miðgarði undir stjórn Aldísar Ylfu Heimisdóttur, þjálfara í Hæfileikamótun.
Þetta verður skemmtileg reynsla fyrir stelpurnar og eflaust munu fleiri Gróttustelpur gera sig gildandi í slíkum verkefnum á næstu misserum.
Vel gert stelpur og gangi ykkur vel! 💙
Tomas Bekkavik hefur verið ráðinn landsliðsþjálfari.
Okkar eigin Tomas Bekkavik hefur verið ráðin landsliðsþjálfari á stökkáhöldum hjá drengjaliði Íslands! Evrópumótið í hópfimleikum 2026, sem fer fram í Espoo, Finnlandi dagana 14.-17. október.
Við óskum Tomasi innilega til hamingju með þetta verðskuldaða hlutverk og hlökkum til að fylgjast með honum og drengjaliðinu á þessu stóra og spennandi móti!💙💛
Lesa nánar: https://fimleikasamband.is/landslidsthjalfarar-em-2026/?fbclid=IwZXh0bgNhZW0CMTAAYnJpZBExclN6N1lXeE1SUEhLTUJRc3NydGMGYXBwX2lkEDIyMjAzOTE3ODgyMDA4OTIAAR7N3xdIdMhFNnpXjcHNOWGfX7ZtCq5n_WDPTFbC-zUQ6BJmpHCT8l7Gc-PsYQ_aem__Wd3X0qpYY5J8Z_jm6t76A
AÐALFUNDIR GRÓTTU 2025
Aðalfundir aðalstjórnar og deilda Íþróttafélagsins Gróttu fara fram mánudaginn 23. júní 2025. Aðalfundirnir hefjast kl. 17:30 og er gert ráð fyrir að þeim sé lokið kl. 18:30. Eftir að aðalfundunum lýkur verður öllum fundargestum boðið upp á léttar veitingar.
Ofurhetjur blómstruðu á litríku og kraftmiklu Ofurhetjumóti Gróttu og Colgate!
Ofurhetjumót Fimleikadeildar Gróttu og Colgate 2025, fór fram síðustu helgi, þar sem alls 330 ofurhetjur frá fjórum félögum sýndu glæsilega takta í fimleikum, allt frá 6. þrepi upp í frjálst þrep, Íslenska fimleikastigans. Keppt var frá föstudegi til sunnudagskvöld og óhætt að segja að mikil gleði og líf ríkti í Hertzhöllinni.
Mótið tókst ótrúlega vel og það var frábært að sjá keppendur njóta sín í litríkri og ævintýralegri umgjörð mótsins. Fimleikadeild Gróttu vill þakka öllum keppendum og foreldrum kærlega fyrir komuna. Sérstakar þakkir fá einnig allir þjálfarar, dómarar og sjálfboðaliðar sem lögðu hönd á plóg við uppsetningu og framkvæmd mótsins.
Að lokum viljum við þakka styrktaraðila Ofurhetjumótsins, Colgate innilega fyrir stuðninginn, en allir keppendur fóru heim með glæsilega þátttökugjöf frá þeim.
Katrín Anna Ásmundsdóttir og Kristófer Melsted kjörin Íþróttafólk Gróttu 2024
Kjör Íþróttafólks Gróttu var haldið þriðjudaginn 11. mars við hátíðlega athöfn í hátíðarsal Gróttu. Viðburðurinn er fastur liður ár hvert þar sem veittar eru viðurkenningar fyrir árangur og framlag einstaklinga innan félagsins.
Helstu viðurkenningar
Kristófer Melsted knattspyrnumaður var kjörinn Íþróttamaður Gróttu og Katrín Anna Ásmundsdóttir handknattleikskona var kjörin Íþróttakona Gróttu.
Hrafn Ingi Jóhannsson handknattleiksmaður var valinn Íþróttamaður æskunnar og Rebekka Sif Brynjarsdóttir knattspyrnukona var kjörin Íþróttakona æskunnar.
Tomas Bekkavik fimleikaþjálfari var valinn þjálfari ársins.
Sjálfboðaliðar ársins
Sjálfboðaliðar gegna lykilhlutverki í íþróttafélögum með ómetanlegu framlagi sínu þar sem þeir gefa tíma sinn og krafta til að skapa öflugt íþróttaumhverfi. Við kunnum sjálfboðaliðum miklar þakkir fyrir óeigingjarnt starf sitt sem gerir fjölbreytta íþróttastarfsemi mögulega og styrkir samheldni innan félagsins. Sjálfboðaliðar ársins 2024 eru Aron Bjarki Arnarsson hjá handknattleiksdeild og Lilja Nótt Þórarinsdóttir hjá knattspyrnudeild.
Viðurkenningar til þeirra sem kepptu fyrir íslandshönd í fyrsta sinn á árinu
Þrír íþróttamenn hlutu viðurkenningu fyrir að hafa keppt fyrir Íslandshönd í fyrsta sinn á árinu 2024 en það voru þau Atli Steinn Arnarsson, Anna Karólína Ingadóttir og Bessi Teitsson
Bronsmerki Gróttu hlutu: Ari Pétur Eiríksson, Arnar Þór Helgason, Edda Andradóttir, Eva Björk Hlöðversdóttir, Bjarni Rögnvaldsson, Helgi Héðinsson, Hulda Björk Halldórsdóttir, Filip Andonov, Katrín Viðarsdóttir, Kristín Gísladóttir, Kristín Björg Svövudóttir, Kristín Huld Þorvaldsdóttir, Tinna Bjarkar Jónsdóttir, Patrekur Pétursson Sanko, Páll Þórólfsson og Pétur Theodór Árnason.
Silfurmerki Gróttu hlutu: Anna Björg Erlingsdóttir og Jórunn María Þorsteinsdóttir.
Gullmerki Gróttu hlaut: Andri Sigfússon.
Að kjöri loknu var boðið upp á léttar veitingar fyrir gesti. Eyjólfur Garðarsson var viðstaddur og festi viðburðinn á filmu en hann hefur um árabil sinnt ómetanlegu starfi fyrir Gróttu með því að mynda mikilvæga viðburði innan félagsins.
Grótta óskar öllum viðtakendum til hamingju og þakkar þeim kærlega sem láta gott af sér leiða innan félagsins.
ÁFRAM GRÓTTA!
Ofurhetjur keppa í Gróttu um helgina – 300 fimleikahetjur sýna listir sínar
Ofurhetjumót Fimleikadeildar Gróttu og Colgate, fer fram um helgina, þar sem alls 300 ofurhetjur frá fjórum félögum sýna listir sínar í fimleikum. Keppt verður í 6. þrepi, bæði hjá stúlkum og drengjum, auk keppni í fimmta, fjórða og þriðja þrepi stúlkna. Undirbúningur fyrir mótið er á fullum og mikil tilhlökkun ríkir innan Gróttu. Fylgjast má með mótinu á Instagram-síðu fimleikadeildar Gróttu @grottafimleikar og á Facebook-síðu deildarinnar, Grótta Fimleikar.
Við óskar öllum keppendum góðs gengis á mótinu og hlökkum til að taka á móti gestum í Hertz- höllina um helgina.
Kjör Íþróttafólks Gróttu 2024
Kjör íþróttafólks Gróttu fyrir árið 2024 fer fram við hátíðlega athöfn þriðjudaginn 11. mars kl. 17:30 í hátíðarsal Gróttu.
Auk þess verða krýnd:
*Íþróttakona æskunnar.
*Íþróttamaður æskunnar.
*Þjálfari ársins.
*Sjálfboðaliðar ársins.
*Þau sem kepptu í fyrsta sinn fyrir Íslands hönd á árinu.
*Afhent verða brons-, silfur- og gullmerki Gróttu.
Við hvetjum allt Gróttufólk til að mæta og heiðra okkar flotta íþróttafólk. Það verða léttar veitingar í boði að kjöri loknu.