7. flokkur á Norðurálsmótið

7. flokkur karla tók þátt á hinu margfræga Skagamóti um liðna helgi. Þar voru mættir til leiks rúmlega 1.500 strákar frá öllum landshornum til að spila fótbolta og skemmta sér með liðsfélögum og fjölskyldu. Eins og sjá má á þessum myndum var stemningin hjá Gróttuhópnum góð og spilamennskan ekki síðri, sérstaklega þegar leið á mótið og Gróttustrákarnir voru farnir að venjast grasinu og 7-manna boltanum en yfirleitt er leikinn 5-manna bolti í allra yngstu flokkunum. Þetta eru framtíðarleikmenn Gróttu og geta þjálfararnir Bjarki Már og Bjössi verið ánægðir með starf sitt með drengjunum.

Framtíðarliðið

Í síðustu viku varð ég þess heiðurs aðnjótandi að fara með 2. flokki karla hjá Gróttu í æfingaferð til London. Í flokknum æfa nú 28 strákar fæddir 1998-1996 en einnig eru nokkrir yngri viðloðandi hópinn. Ferðin var einstaklega skemmtileg og árangursrík. Einbeitingin í hópnum var til fyrirmyndar og utan æfinga gengu allir í takt um stræti stórborgarinnar.

Strákarnir í 2. flokki hafa æft fótbolta frá 5-6 ára aldri. Saman hafa þeir tekið þátt í óteljandi fótboltamótum, keppt hundruðir leikja og sofið í ótal nætur í táfýlunni hver af öðrum. Ekki er hægt að segja að hér sé um svokallaðar „barnastjörnur“ að ræða. Einn leikmaður hefur spilað unglingalandsleik og nokkrir minni titlar hafa unnist. Stærsta skrefið var eflaust stigið í fyrra þegar 2. flokkur Gróttu tryggði sér sæti í B-deild eftir margra ára eyðimerkurgöngu í C-deildinni. Þar voru þessir drengir í aðalhlutverki ásamt nokkrum leikmönnum sem nú eru gengnir upp í meistaraflokk.

Nei, það eru ekki titlar og landsliðsferðir sem einkenna leikmenn 2. flokks Gróttu heldur ótrúleg liðsheild, vinátta og samstaða innan vallar sem utan. Auðvitað hefur gengið á ýmsu í gegnum tíðina en óhætt er að segja að menn hafi þroskast í rétta átt og séu að blómstra nú þegar árin í yngri flokkunum eru senn á enda. Ég tel að öflugur foreldrahópur sem stendur á bak við strákana hafi gert gæfumuninn ásamt góðum og metnaðarfullum þjálfurum. Nægir þar að nefna Júlíus Júlíusson, Ásmund Haraldsson, Guðjón Kristinsson, Úlf Blandon og Jens Elvar Sævarsson sem er nú á sínu öðru ári með 2. flokk.

Síðasta sumar stigu nokkrir leikmenn úr hópnum sín fyrstu skref í meistaraflokki Gróttu og í vetur hafa enn fleiri fengið sínar fyrstu meistaraflokksmínútur. Frábærar fréttir en hér má ekki láta staðar numið. Lykillinn að því að byggja upp öflugt meistaraflokkslið er að hafa þéttan kjarna heimamanna í hópnum. Leiknir í Breiðholti er gott dæmi en síðasta sumar tryggði liðið sér sæti í úrvalsdeild í fyrsta sinn en þar var stærstur hluti hópsins, leikmenn og þjálfarar, glerharðir Breiðhyltingar. Nú er Grótta í dauðafæri til að horfa fram á veginn og byggja upp lið þar sem uppistaðan er heimamenn.

Ég er ekki að tala niður til þeirra fjölmörgu „utanbæjarleikmanna“ sem hafa leikið með Gróttu síðustu árin. Raunar hafa margir þeirra skilað frábæru verki og teljast góðir og gildir Gróttumenn í dag. Hver man ekki eftir leikgleði og snilli Sigurvins Ólafssonar á miðjunni, núverandi fyrirliði Gróttu er uppalinn Selfyssingur og sjúkraþjálfarinn, sem byrjaði sem leikmaður, er að austan.

Er ég að setja pressu á strákana með þessum pistli? Vafalaust en það er bara af því ég hef trú á þeim. Við þá sem stjórna og þjálfa meistaraflokk Gróttu segi ég: Takið þessa stráka og hendið þeim inn á stóra sviðið, gefið þeim tíma og fyrr en varir munu þeir skína skært.

Magnús Örn Helgason
yfirþjálfari yngri flokka knattspyrnudeildar Gróttu

Uppskeruhátíð handknattleiksdeildar

Nú á dögunum fór fram uppskeruhátíð yngri flokka handknattleiksdeildar Gróttu. Mikill fjöldi hefur stundað handbolta á vegum félagsins í vetur og hefur iðkendum fjölgað umtalsvert á milli ára. Hér að neðan má sjá lista yfir þá iðkendur sem fengu viðurkenningar á uppskeruhátíðinni. Öllum iðkendum í 7.-8. flokki var veitt viðurkenning fyrir árangur og ástundun,

3.flokkur kvenna

  • Mikilvægasti leikmaður – Lovísa Thompson
  • Mikilvægasti leikmaður – Elín Jóna Þorsteinsdóttir
  • Mestu framfarir – Hrafnhildur Birta Valdimarsdóttir
  • Mestu framfarir – Stefanía Helga Sigurðardóttir
  • Efnilegasti leikmaður – Anna Katrín Stefánsdóttir
  • Efnilegasti leikmaður – Andrea Agla Ögludóttir

4. flokkur kvenna

  • Besti leikmaður – Tinna Valgerður Gísladóttir
  • Mestu framfarir – Soffía Steingrímsdóttir

5. flokkur kvenna

Eldra ár:

  • Besti leikmaðurinn – Valgerður Helga Ísaksdóttir
  • Efnilegasti leikmaðurinn – Birta María Birnisdóttir
  • Ástundun – Soffía Ólafsdóttir

Yngra ár:

  • Efnilegasti leikmaðurinn – Karla Kristjánsdóttir
  • Mestu framfarir – Ragnheiður Ósk Þórsdóttir Dungal
  • Ástundun – Katrín Helga Sigurbergsdóttir

6. flokkur kvenna

Eldra ár:

  • Ástundun og framfarir – Edda Steingrímsdóttir
  • Ástundun og framfarir – María Björk Stefánsdóttir
  • Efnilegasti leikmaður – Patricia Dúa Thompson

Yngra ár:

  • Ástundun og framfarir – Arnhildur Sjöfn Árnadóttir
  • Ástundun og framfarir – Sara Stefánsdóttir
  • Efnilegasti leikmaður – Tinna Brá Magnúsdóttir
  • Besti liðsmaður – María Lovísa Jónasdóttir

4. flokkur karla

  • Besti leikmaður – Ásmundur Atlason
  • Besta ástundun og framfarir – Hannes Grimm

5. flokkur karla

Eldra ár:

  • Efnilegasti leikmaður – Hákon Rafn Valdimarsson
  • Besta ástundun og framfarir – Ingi Þór Olafson

Yngra ár:

  • Efnilegasti leikmaður – Gunnar Hrafn Pálsson
  • Besta ástundun og framfarir – Bjarki Daníel Þórarinsson

6. flokkur karla

Yngra ár:

  • Efnilegasti leikmaður – Ragnar Björn Bragason
  • Besta ástundun – Halldór Orri Jónsson
  • Mestu framfarir – Fróði Jónsson

Eldra ár:

  • Besta ástundun – Benedikt Arnar Davíðsson
  • Mestu framfarir – Grímur Ingi Jakobsson
  • Efnilegasti leikmaður – Hannes Ísberg Gunnarsson