Sund

Laugin á Seltjarnarnesi er einstaklega vel hönnuð, með svokölluðu sléttu yfirfalli. Það þýðir að vatnið í lauginni er nánast í sömu hæð og kanturinn og rennur jafnt yfir brúnina í rennur allan hringinn. Slíkt fyrirkomulag er algengt í nýjum keppnis- og kennslulaugum. Uppbyggingin fór af stað með því að bjóða fyrst upp á æfingar fyrir yngstu börnin og byggja þannig upp sterkt grasrótarstarf. Við erum með sundstig þar sem iðkendur læra grunnatriði sundsins á hverju stigi. Reglulega yfir tímabilið eru síðan haldnar sundsýningar þar sem foreldrar geta komið og séð framfarir barna sinna. Að sýningu lokinni er oft boðið upp á skemmtilega samveru.