{"id":3088,"date":"2018-07-24T20:50:00","date_gmt":"2018-07-24T20:50:00","guid":{"rendered":"https:\/\/grotta.is\/?p=3088"},"modified":"2020-04-29T21:02:14","modified_gmt":"2020-04-29T21:02:14","slug":"grotta-med-10-lid-a-simamotinu","status":"publish","type":"post","link":"https:\/\/grotta.is\/en\/knattspyrnudeild\/grotta-med-10-lid-a-simamotinu\/","title":{"rendered":"Gr\u00f3tta me\u00f0 10 li\u00f0 \u00e1 S\u00edmam\u00f3tinu"},"content":{"rendered":"

Gr\u00f3tta sendi 10 li\u00f0 \u00fat 5. \u2013 8. flokki \u00e1 st\u00e6rsta f\u00f3tboltam\u00f3t landsins, S\u00edmam\u00f3ti\u00f0, fyrr \u00ed j\u00fal\u00ed. Tv\u00f6 \u00feeirra unnu sinn ri\u00f0il og fengu bikar Nokkur li\u00f0 n\u00e6ldu s\u00e9r \u00ed silfurver\u00f0laun en \u00f6ll li\u00f0in st\u00f3\u00f0u sig gr\u00ed\u00f0arlega vel. Til hamingju stelpur<\/p>

5. flokkur var me\u00f0 tv\u00f6 li\u00f0 \u00e1 m\u00f3tinu, en li\u00f0 1 enda\u00f0i \u00ed 4. s\u00e6ti og li\u00f0 2 \u00ed 5. s\u00e6ti \u00ed ri\u00f0lunum s\u00ednum eftir h\u00f6rkuleiki. Stelpurnar hafa s\u00fdnt miklar framfarir fr\u00e1 \u00fev\u00ed \u00ed vetur og \u00fea\u00f0 var virkilega gaman a\u00f0 fylgjast me\u00f0 \u00fev\u00ed.<\/p>

6. flokkur var me\u00f0 fimm li\u00f0 \u00e1 m\u00f3tinu og \u00feau komust \u00f6ll \u00ed \u00farslit. Li\u00f0 3 og 5 fengu gullver\u00f0launin og bikar, en li\u00f0 1, 2 og 4 \u00feurftu a\u00f0 s\u00e6tta sig vi\u00f0 silfri\u00f0 eftir spennandi \u00farslitaleiki. Ma\u00f0ur l\u00e6rir \u00fdmislegt \u00e1 \u00fev\u00ed a\u00f0 spila undir pressu og einnig \u00e1 \u00fev\u00ed a\u00f0 tapa, svo \u00fea\u00f0 f\u00f3ru allir me\u00f0 eitthva\u00f0 heim \u00ed reynslubankann. Fr\u00e1b\u00e6r \u00e1rangur samt sem \u00e1\u00f0ur, enda hefur flokkurinn \u00e6ft vel \u00ed allan vetur. 6. flokkur kvenna er fj\u00f6lmennasti flokkurinn af \u00feeim sem f\u00f3ru \u00e1 m\u00f3ti\u00f0, en \u00fea\u00f0 eru 34 stelpur skr\u00e1\u00f0ar \u00ed flokkinn, sem er metfj\u00f6ldi \u00ed 6. flokki kvenna \u00ed Gr\u00f3ttu.<\/p>

7. flokkur var me\u00f0 \u00ferj\u00fa li\u00f0 \u00e1 m\u00f3tinu, en \u00feri\u00f0ja li\u00f0i\u00f0 var skipa\u00f0 stelpum \u00far 8. flokki. Stelpurnar \u00e1ttu erfitt uppdr\u00e1ttar \u00ed fyrstu, en s\u00fdndu svo \u00ed hva\u00f0 \u00feeim bar og uppsk\u00e1ru nokkra sigurleiki. Leikgle\u00f0in var r\u00edkjandi me\u00f0al stelpnanna og var gaman a\u00f0 sj\u00e1 hva\u00f0 \u00fe\u00e6r virtust nj\u00f3ta s\u00edn, brosa og gle\u00f0jast yfir \u00fev\u00ed a\u00f0 spila f\u00f3tbolta. Margar af stelpunum voru a\u00f0 fara \u00e1 sitt fyrsta st\u00f3rm\u00f3t og eru eflaust farnar a\u00f0 telja ni\u00f0ur \u00ed \u00fea\u00f0 n\u00e6sta.<\/p>