Skip to content

Fagráð Gróttu verður til

Síðastliðinn fimmtudag fór fram fyrsti fundur fagráðs Gróttu. Fagráðið er stofnað í þeim tilgangi að styrkja viðbrögð félagsins við málum sem kunna að koma upp og tengjast áreitni, einelti og ofbeldi. Í aðgerðaráætlun Gróttu kemur fram að í fagráðinu, sem skipað er til tveggja ára í senn, sitja þrír óháðir aðilar sem hafa fagþekkingu og reynslu af meðferð mála af þessu tagi.

Í fagráðinu sitja:

– Erla Kristín Árnadóttir, lögfræðingur
– Grímur Sigurðsson, lögmaður
– Sjöfn Evertsdóttir, sálfræðingur

Varamenn eru:
– Gunnlaug Thorlacius, félagsráðgjafi og fjölskyldufræðingur
– Viðar Lúðvíksson, lögmaður

Næsti fundur ráðsins er í ágústmánuði en þar mun ráðið gera sér verklagsreglur um starfsemi ráðsins sem verða auglýstar til félagsmanna í kjölfarið.

Í viðhengi má finna aðgerðaráætlun Gróttu gegn áreitni, einelti og ofbeldi og viðbragðsáætlun vegna tilkynninga um einelti, kynbundna áreitni, kynferðislega áreitni og annað ofbeldi. Eru þjálfarar og stjórnarmenn beðnir um að kynna sér þessar áætlanir.

https://grotta.is/wp-content/uploads/2020/06/Adgerdaaetlun.Grottu.gegn_.areitni.eineltiogofbeldi.pdf

https://grotta.is/wp-content/uploads/2020/06/Fagrad.Grottu.Ferli_.pdf

Hægt er að deila fréttinni, senda með tölvupósti og/eða prenta út hér fyrir neðan.

Share on facebook
Facebook
Share on twitter
Twitter
Share on email
Email
Share on print
Print